Zabłakavali fejkavyja sajty, jakija maskiravalisia pad sietku aptek «Dobryja leki»
Fišynhavyja resursy, jakija vydavali siabie za sietku aptek «Dobryja leki», zabłakavanyja, paviedamlaje ahienctva «Minsk-Naviny».
Niadaŭna ŭ internecie aktyŭna raspaŭsiudžvałasia spasyłka na machlarski sajt, jaki prapanoŭvaŭ falšyvyja źnižki na leki. Aŭdytoryju ašukancy pryciahvali fejkavaj rekłamaj u instahramie.
Pierajšoŭšy pa spasyłcy, hramadzianam treba było zapoŭnić śpiecyjalnuju formu: paznačyć imia i numar telefona, a dalej — čakać zvanka «mieniedžara». Adnak realnaj metaj hetaha resursu byŭ zbor asabistych danych, kab paśla padmanuć karystalnika.
Padroblenyja resursy praisnavali ŭsiaho niekalki dzion. Dziakujučy ŭzajemadziejańniu słužby biaśpieki kampanii ź viedamstvami, jakija adkazvajuć za infarmacyjnuju biaśpieku i abaronu piersanalnych danych, a taksama apieratyŭnamu zvarotu da zamiežnaha pravajdara ich chutka zabłakavali.
Pry hetym sietka aptek «Dobryja leki» sapraŭdy źniziła ceny na recepturnyja preparaty da kanca krasavika. Adnak, jak padkreślili ŭ kampanii, kab atrymać źnižku, nie treba nidzie rehistravacca abo pakidać piersanalnyja danyja. Taksama ŭ sietcy aptek nahadali, što jaje pradstaŭniki nikoli nie telefanujuć praź miesiendžary.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy72
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary