Заблакавалі фэйкавыя сайты, якія маскіраваліся пад сетку аптэк «Добрыя лекі»
Фішынгавыя рэсурсы, якія выдавалі сябе за сетку аптэк «Добрыя лекі», заблакаваныя, паведамляе агенцтва «Мінск-Навіны».
Нядаўна ў інтэрнэце актыўна распаўсюджвалася спасылка на махлярскі сайт, які прапаноўваў фальшывыя зніжкі на лекі. Аўдыторыю ашуканцы прыцягвалі фэйкавай рэкламай у інстаграме.
Перайшоўшы па спасылцы, грамадзянам трэба было запоўніць спецыяльную форму: пазначыць імя і нумар тэлефона, а далей — чакаць званка «менеджара». Аднак рэальнай мэтай гэтага рэсурсу быў збор асабістых даных, каб пасля падмануць карыстальніка.
Падробленыя рэсурсы праіснавалі ўсяго некалькі дзён. Дзякуючы ўзаемадзеянню службы бяспекі кампаніі з ведамствамі, якія адказваюць за інфармацыйную бяспеку і абарону персанальных даных, а таксама аператыўнаму звароту да замежнага правайдара іх хутка заблакавалі.
Пры гэтым сетка аптэк «Добрыя лекі» сапраўды знізіла цэны на рэцэптурныя прэпараты да канца красавіка. Аднак, як падкрэслілі ў кампаніі, каб атрымаць зніжку, не трэба нідзе рэгістравацца або пакідаць персанальныя даныя. Таксама ў сетцы аптэк нагадалі, што яе прадстаўнікі ніколі не тэлефануюць праз месенджары.
Цяпер чытаюць
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары