Z 1 sakavika amal usiu techniku ŭ Biełarusi voźmuć pad kantrol
U Biełarusi z pačatku viasny pašyrajecca pieralik tavaraŭ, jakija buduć padlahać adsočvańniu, paviedamili BiełTA ŭ inśpiekcyi Ministerstva padatkaŭ i zboraŭ Minska.
Tak, z 1 sakavika 2026 hoda adsočvańniu buduć padlahać bytavyja pralnyja mašyny i televizary (jak novyja, tak i byłyja va ŭžyvańni), a taksama pyłasmoki, bytavyja robaty-pyłasmoki, elektryčnyja prasy, bytavyja kuchonnyja kambajny, bytavyja posudamyjnyja mašyny, elektryčnyja čajniki, elektryčnyja multyvarki, mikrachvalevyja piečy, bytavyja elektryčnyja plity (varačnyja paneli), elektryčnyja dryli, fieny dla vałasoŭ.
Na hety momant hetamu padlahajuć tolki chaładzilniki, marazilniki (jak novyja, tak i byłyja va ŭžyvańni), a taksama šyny, pakryški i viełatavary.
U subjektaŭ haspadarańnia, jakija ažyćciaŭlajuć abarot tavaraŭ, što padlahajuć kantrolu, uźnikajuć nastupnyja abaviazki: vykarystoŭvać elektronnyja nakładnyja, padavać u prahramny kompleks «Sistema kantrolu tavaraŭ» poŭnyja i dakładnyja źviestki, vieści kolkasny ŭlik tavaraŭ u adzinkach vymiareńnia, jakija treba paznačać u elektronnych nakładnych.
«Arhanizacyjam, jakija ažyćciaŭlajuć apieracyi, źviazanyja z abarotam tavaraŭ, što padlahajuć kantrolu, nieabchodna zahadzia, a jašče lepš — nieadkładna pryniać miery i zabiaśpiečyć hatoŭnaść da vykanańnia patrabavańniaŭ zakanadaŭstva ŭ śfiery kantrolu i vykarystańnia elektronnych nakładnych», — adznačyła namieśnica načalnika inśpiekcyi MPZ pa Minsku Volha Tarasievič.
-
Polski bank Millennium papiaredziŭ biełarusaŭ biez DNŽ pra błakavańnie apieracyj na rachunkach z 12 śniežnia
-
U biełaruski ŭ Italii zabrali dvuch synoŭ — bo jana nie pryznavała dziaržavu i nie adpuskała dziaciej u škołu i da doktara
-
Karanik nie zabraŭ z saboj u Minsk padpałkoŭnika, jaki byŭ jaho pres-sakratarom. Tamu znajšli novaje miesca
Ciapier čytajuć
U biełaruski ŭ Italii zabrali dvuch synoŭ — bo jana nie pryznavała dziaržavu i nie adpuskała dziaciej u škołu i da doktara5
Kamientary