Donald Tramp zajaviŭ, što Iran zaprasiŭ pieramovy z ZŠA na fonie žorstkaha padaŭleńnia pratestaŭ. Ale, dadaje Tramp, mahčyma, ZŠA pavinny buduć umiašacca raniej.
Iran, vidać, pierasiakaje čyrvonuju liniju, žorstka padaŭlajučy pratesty, zajaviŭ prezident ZŠA Donald Tramp žurnalistam na borcie Air Force One. Jaho słovy apublikavaŭ puł Biełaha doma.
«Jany pačali, padobna, [pierasiakać čyrvonuju liniju]. Zdajecca, byli zabityja ludzi, jakich nie varta było zabivać. Jany žorstkija [u kiraŭnictvie Irana] — možacie nazyvać ich lidarami, ja nie viedaju, ci možna ich nazvać lidarami. Dumaju, jany kirujuć z dapamohaj hvałtu. Ale my vielmi surjozna da hetaha stavimsia, vajskoŭcy taksama. I jość niekalki varyjantaŭ», — skazaŭ Tramp.
Pavodle jaho słoŭ, iranskaje kiraŭnictva zaprasiła pieramovy z ZŠA.
«Mahčyma, nam pryjdziecca dziejničać da sustrečy. <…> Sustreča znachodzicca na stadyi arhanizacyi. Iran patelefanavaŭ. Jany chočuć vieści pieramovy», — kaža jon.
Pa infarmacyi Axios, amierykanskaja pravaabarončaja arhanizacyja HRANA paćvierdziła śmierć bolš za 544 čałaviek za apošnija dva tydni i aryšt bolš za 10 tys. čałaviek padčas pratestaŭ pa ŭsim Iranie.
Axios piša, što ŭnutry amierykanskaj administracyi prajšli pieršyja sustrečy dla abmierkavańnia sposabaŭ padtrymki pratestaŭ. Siarod varyjantaŭ — «vajennyja ŭdary ZŠA pa celach iranskaha režymu», a taksama kibierataki i infarmacyjnyja apieracyi suprać Tehierana.
Iranskija čynoŭniki ŭ adkaz paabiacali, što Tehieran budzie atakavać vajennyja bazy ZŠA ŭ rehijonie, kali Tramp addaść zahad ab napadzie.
-
«Ci jość sens za ich čaplacca?» Pucin namiaknuŭ pra hatoŭnaść spynić vajnu, kali jamu zdaduć Danbas
-
Iłan Mask viartajecca ŭ administracyju Trampa, užo ŭ novaj roli
-
U Efiopii paśla niekalkich hadoŭ pierapynku znoŭ razharajecca poŭnamaštabnaja hramadzianskaja vajna. Moža destabilizavacca i ŭvieś rehijon
Toj samy masažyst raskazaŭ, navošta zdymaŭ hołych klijentak2
Kamientary
doždałsia poka ubili około 1000 ludiej a diesiatki tysiač bližajšije paru dniej pohibnut v tiuŕmach.
nie nado było tohda iznačalno ludiej obnadioživať o pomoŝi, jeśli jaic nie chvatajet słovo dieržať. tohda i prietienzij ni u koho niebyło.
Kali narcys havoryć, što ź im užo vyjšli na suviaź, ale ŭ jaho jość inšyja varyjanty - heta značyć dasłoŭna inšaje:
"Vychodźcie sa mnoj na suviaź, bo ja za siabie nie adkazvaju. Mnie treba sdziełka"
Ale heta zvyčajny hopnicki manałoh z Aŭtazavodskoj, dzie kab adžać - treba napužać. Zvyčajny hop-stop 90-ych. I Tramp taki ŭ va ŭsim. Napužaŭ svaju krainu; napužaŭ nas i Ukrainu; napužaŭ dyktataraŭ Łacinskaj Amieryki; napužaŭ maskalej; zaraz pužaje inšych...
Heta prosta kłoun. Jak łuka pa-sutnaści.