«Hałava vybuchała znutry». Bieły dom raspaŭsiudziŭ śviedčańni ab vykarystańni sakretnaj zbroi pry zachopie Madura
Pres-sakratar Biełaha doma Kerałajn Levit pryciahnuła ŭvahu suśvietnaj supolnaści da detalaŭ apieracyi pa zachopie vieniesuelskaha lidara Nikałasa Madura. Jana raspaŭsiudziła intervju ź vidavočcam — achoŭnikam bazy ŭ Karakasie, jaki śćviardžaje, što amierykanski śpiecnaz prymianiŭ nieviadomuju raniej zbroju.
Pavodle słoŭ ananimnaha śviedki, apieracyja śpiecpadraździaleńnia «Delta» vyhladała jak scenaryj navukova-fantastyčnaha filma.
Pierad pačatkam ataki na bazie raptoŭna adklučylisia ŭsie radary i sistemy sačeńnia. U niebie źjavilisia roi dronaŭ i ŭsiaho vosiem viertalotaŭ, ź jakich desantavalisia kala 20 bajcoŭ.
Achoŭnik apisaŭ dziejańni śpiecnaza jak «masakru»: 20 čałaviek nibyta likvidavali sotni vieniesuelskich siłavikoŭ biez strat sa svajho boku.
Samym rezanansnym stała apisańnie prymianieńnia tajamničaj technałohii, jakaja paralizavała abaroncaŭ bazy.
«Heta było padobna na vielmi intensiŭnuju hukavuju chvalu. Raptam ja adčuŭ, niby maja hałava vybuchaje znutry. U nas usich pajšła kroŭ z nosa. Niekatorych vanitavała kryvioj. My ŭpali na ziamlu i nie mahli navat ustać», — raspavioŭ vidavočca.
3 studzienia śpiecnaz ZŠA pa zahadzie Donalda Trampa zachapiŭ Madura ŭ Karakasie i vyviez jaho ŭ Ńju-Jork dla suda.
Aficyjny Pientahon pakul ustrymlivajecca ad kamientaroŭ, a pradstaŭnica Biełaha doma nie ŭdakładniła, ci źjaŭlajecca jaje repost aficyjnym pryznańniem isnavańnia hetaj zbroi.
-
Prykładna pałova ludziej, jakija vyžyli paśla teraktaŭ 11 vieraśnia, zachvareła na rak
-
U Francyi znoŭ abvastryłasia sprečka vakoł karciny Marka Šahała pad stollu Paryžskaj opiery
-
U Ńju-Jorku adnavili Viežy-bliźniaty ŭ naturalnuju vieličyniu z dapamohaj 2977 dronaŭ — pa kolkaści achviar terakta 11 vieraśnia
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie10
Kamientary