Prychod źbiraŭ hrošy na restaŭracyju chrama da jaho 250-hodździa, ale ŭ vyniku zamiest restaŭracyi z carkvy prosta vykinuli ŭsio staroje.
U 2021 hodzie Śviata-Mikałajeŭskaja carkva ŭ vioscy Łatyhal Vilejskaha rajona Minskaj vobłaści adznačała svoj 250-hadovy jubilej. Budynak struchleŭ i patrabavaŭ kapitalnaha ramontu. U suviazi z hetym śviatar Andrej Hromaŭ abjaviŭ zbor srodkaŭ na ramontna-restaŭracyjnyja raboty.
U lipieni 2023 hoda ŭ Łatyhalskaj carkvie pačaŭsia kapitalny ramont. Z budynka źniali histaryčnuju šaloŭku, a aŭtentyčnyja dźviery prosta padaryli majstru za dapamohu. Zamiest starych elemientaŭ źjavilisia novyja — sandryki, navies, sučasnyja dźviery, jakich u carkvie nikoli nie było.
Aktyvisty aburylisia tym, što historyka-kulturnuju kaštoŭnaść respublikanskaha značeńnia ŭ Biełarusi možna voś tak prosta razdaryć ludziam, i źviarnulisia da miascovych uładaŭ.
Telehram-kanał «Spadčyna» apublikavaŭ adkaz Vilejskaha rajvykanama na zvarot. U im havorycca, što ŭ pačatku lutaha 2025 hoda praviali pravierku i vyjavili parušeńni ŭ paradku i ŭmovach vykanańnia rabot na historyka-kulturnaj kaštoŭnaści.
Suprać ułaśnika carkvy raspačataja administracyjnaja sprava, jakuju budzie razhladać administracyjnaja kamisija vykankama. Praŭda, jak adznačajuć aŭtary kanała, užo byli vypadki, kali śviatara, jaki całkam źniščyŭ pomnik architektury, takaja kamisija vyzvaliła ad jakoj-niebudź adkaznaści, a značyć, i ad nieabchodnaści vypraŭlać toje, što jon narabiŭ.
Kamientary
kab pamyú svaju mašynu