Prajazny na dva vidy hramadskaha transpartu Minska ciapier kaštuje 114 rubloŭ, a prajazny na 5 vidaŭ — 98 rubloŭ
Z 10 krasavika ŭ Minsku padaražeŭ prajezd. Siońnia ŭ kasach užo vyviesili novyja ceńniki, a na sajcie «Minsktransa» abnaviŭsia fajł z taryfami, piša Blizko.by.
Tałončyk na adnu pajezdku kaštuje 95 kapiejek (pry pakupcy ŭ vadziciela — 1 rubiel), žeton na mietro — 1 rubiel. «Adziny» prajazny na miesiac na 4 vidy transpartu (aŭtobus, trolejbus, tramvaj, mietro) ciapier kaštuje 56,97 rubla (papiaredni košt — 51,05 rubla).
Najdaražejšy prajazny ciapier kaštuje 113 rubloŭ 97 kapiejek — heta prajazny na 30 dzion na 2 vidy transpartu: mietro i ciahniki «haradskich linij» BČ.
Dziŭna, ale prajazny na 5 vidaŭ transpartu kaštuje tańniej: 98 rubloŭ 35 kapiejek. Heta prajazny na 30 dzion na aŭtobusy, tralejbusy, tramvai, mietro i ciahniki «haradskich linij» BČ.
Hetaja zaležnaść zachoŭvajecca i dla prajaznych na bolš karotkija terminy: na 3, 5 i 10 sutak.
Pryčym zachoŭvajecca jana ŭžo bolš za paŭtara hoda, z žniŭnia 2023 hoda, kali ŭviali novy tak zvany «adziny prajazny».
Zastajecca niezrazumiełym, ci nabyvaje chtości bolš darahija prajaznyja ź mienšymi mahčymaściami, kali možna kupić bolš tanny prajazny z bolšymi mahčymaściami.
Ciapier čytajuć
Alaksiej Chlastoŭ, jaki pajšoŭ u taksisty, staŭ hierojem internetu. Biełarusy zapuścili fłešmob, kab padtrymać śpievaka z čornaha śpisu16
Kamientary