Premjer-ministarka Isłandyi Krystrun Frostadoŭcir zajaviła pra namier pravieści da 2027 hoda refierendum ab ustupleńni krainy ŭ Jeŭrapiejski sajuz.
Rašeńnie tłumačycca źmienami ŭ sistemie hłabalnaj biaśpieki — u pryvatnaści, vajnoj va Ukrainie i žorstkaj palitykaj ZŠA ŭ Arktycy, uklučajučy vykazvańni Donalda Trampa pra mahčymuju anieksiju Hrenłandyi, piša Bild.
Pavodle apytańniaŭ, amal dźvie traciny isłandcaŭ padtrymlivajuć ideju praviadzieńnia refierendumu, a 45% — ustupleńnie ŭ ES. Isłandyja ŭžo ŭvachodzić u Šenhienskuju zonu i Jeŭrapiejskuju ekanamičnuju prastoru, majučy stanoŭčy dośvied supracoŭnictva ź Jeŭrasajuzam.
Adnak, jak pryznaje kiraŭnica ŭrada, ciapierašniaja dyskusija vyklikanaja nie tolki mahčymymi pieravahami siabroŭstva, ale i tryvohaj, što ŭźnikła z-za pahrozaŭ z boku ZŠA ŭ adnosinach da Hrenłandyi. Jak i Hrenłandyja, Isłandyja raniej naležała Danii i atrymała niezaležnaść tolki ŭ 1944 hodzie.
«My — poŭnaściu arktyčnaja nacyja. Arktyka — naš dom. Dla nas heta nie prosta paniaćcie ŭ mižnarodnych adnosinach. Heta naša asiarodździe. U nas vielmi ciesnyja suviazi z hrenłandcami. Tamu toje, što adbyvajecca, vyklikaje surjoznuju zaniepakojenaść», — zajaviła Frostadoŭcir u intervju Euronews.
Premjerka vykazała nadzieju, što intares ZŠA da Hrenłandyi i napružanaść, vyklikanaja dziejańniami Rasii, z časam źniziacca: «Ja nie chaču, kab razmovy pra ŭstupleńnie ŭ ES vialisia na padstavie strachu».
Tym nie mienš, pytańni biaśpieki zastajucca adnym z klučavych faktaraŭ zbližeńnia Isłandyi ź Jeŭrasajuzam.
Ciapier čytajuć
Analityk Hienštaba, jaki malavaŭ kartu «adkul rychtavałasia napadzieńnie», apynuŭsia ŭ SIZA KDB za pracu na ŭkrainskuju raźviedku7
Kamientary
Tamu namahańni dziŭnyja, tym bolš, što Isłandyja ŭžo ŭvachodzić u Šenhienskuju zonu i Jeŭrapiejskuju ekanamičnuju prastoru.
Navošta vam jašče ŭ heny jeŭrasavok ustupać?