Pucin pra ŭdary pa Kryvym Rohu z Sumami i 56 zahinułych: Tak, mirnyja ab‘jekty. Ale cel vajskovaja
Uładzimir Pucin upieršyniu publična pryznaŭ naniasieńnie rasijskaj armijaj u Vierbnuju niadzielu rakietnaha ŭdaru pa ŭkrainskim horadzie Sumy, zajaviŭšy, što metaj ataki była «adpłata» za dziejańni ŭkrainskich sił u pamiežnych rehijonach.
«Što tyčycca prapanovy nie bić pa abjektach cyvilnaj infrastruktury — z hetym treba razabracca. Naprykład, usim dobra viadomy ŭdar našych US RF pa kanhres-centry Sumskaha ŭniviersiteta. Mirny heta abjekt ci nie? Mirny. Ale tam prachodziła ŭznaharodžańnie tych, chto ździejśniŭ złačynstvy ŭ Kurskaj vobłaści. I padraździaleńni USU, i nacyjanalistaŭ. Tyja ludzi, jakich my ličym złačyncami, jakija pavinny byli atrymać zasłužanuju adpłatu za zroblenaje ŭ pamiežnaj vobłaści, u tym liku Kurskaj. Jany atrymali adpłatu. Heta było zroblena, kab pakarać ich», — skazaŭ Pucin, adkazvajučy na zadadzienaje jamu pytańnie.
Rakietny ŭdar pa Sumach byŭ naniesieny 13 krasavika. Pavodle apošnich źviestak, u vyniku jaho zahinuli 35 čałaviek, bolš za 100 atrymali ranieńni.
Pucin taksama prakamientavaŭ i ataku na Kryvy Roh 4 krasavika, u vyniku jakoj, pavodle infarmacyi ŭkrainskich uładaŭ, zahinuŭ 21 čałaviek:
«Abo pravodziać jakija-niebudź zboryščy ŭ restaranie tyja ludzi, jakija zasłuhoŭvajuć samaha surjoznaha pakarańnia za złačynstvy. Takoje taksama było. U restaranie pravodziać schodki, schody, narady, niešta adznačajuć tam, harełku pjuć i hetak dalej. Nu, voś tudy taksama byŭ naniesieny ŭdar. Heta cyvilnyja abjekty? Cyvilnyja. Ale cel jakaja? Vajskovaja».
«Mnie skazali, što jany zrabili pamyłku». Tramp prakamientavaŭ udar pa Sumach, ale Rasiju nie zhadaŭ
ZŠA zabłakavali pryniaćcie zajavy G7 adnosna rasijskaha rakietnaha ŭdaru pa Sumach
Mer ukrainskaha Kanatopa abvinavaciŭ ułady Sumaŭ u arhanizacyi ŭznaharodžańnia vajskoŭcaŭ
Ukrainskija drony atakavali rasijskuju vajskovuju čaść, jakuju abvinavačvajuć va ŭdary pa Sumach
Kamientary