Abjadnanyja Arabskija Emiraty zajavili pra zapusk piłotnaha prajekta pa intehracyi štučnaha intelektu ŭ praces stvareńnia i karektavańnia zakanadaŭstva. Kali ekśpierymient budzie paśpiachovym, to hetaja kraina stanie pieršaprachodcam u vykarystańni ałharytmaŭ dla padobnych zadač, paviedamlaje Financial Times.
Pavodle danych miascovych ŚMI, sistema budzie analizavać šyrokuju bazu danych, jakaja ŭklučaje fiederalnyja i rehijanalnyja zakony, sudovyja rašeńni, a taksama statystyku pa dziaržpasłuhach.
Na asnovie hetych źviestak ŠI prapanuje praŭki ŭ najaŭnyja normy abo novyja zakonaprajekty, acaniŭšy ich patencyjny ŭpłyŭ na ekanomiku i hramadstva.
Vice-prezident AAE i kiraŭnik Dubaja šejch Muchamied bien Rašyd Al Maktum zajaviŭ, što «hetaja novaja zakanadaŭčaja sistema, kiravanaja štučnym intelektam, źmienić naš padychod da narmatvorčaści, zrabiŭšy hety praces bolš chutkim i dakładnym». Dla kiravańnia pracesam stvorana śpiecyjalnaje viedamstva — Upraŭleńnie intelektualnaha rehulavańnia.
Ułady AAE raźličvajuć, što ałharytmy zmohuć prahnazavać nieabchodnaść źmienaŭ u zakonach da ŭźniknieńnia krytyčnych situacyj, a taksama skarociać vydatki na pryciahnieńnie jurydyčnych kansultantaŭ.
Pakul inšyja dziaržavy vykarystoŭvajuć štučny intelekt pieravažna dla analizu dakumientaŭ abo aptymizacyi biurakratyčnych pracesaŭ, u AAE technałohija zojmiecca niepasrednym farmiravańniem pravavych normaŭ. Adnak ekśpierty źviartajuć uvahu i na ryzyki, bo ŠI-madeli schilnyja da hienieracyi chłuślivaj infarmacyi. Akramia taho, ich rašeńni časta nie paddajucca interpretacyi čałaviekam.
Jak papiaredžvaje daśledčyk Oksfardskaha univiersiteta Vinsent Štraubie, «choć madeli ŠI ŭražvajuć, u ich usio jašče jość prablemy z nadziejnaściu i ŭstojlivaściu. My nie možam im daviarać».
Niahledziačy na skiepsis, u AAE majuć namier pradoŭžyć ekśpierymient. Pośpiech inicyjatyvy moža zadać trend na aŭtamatyzacyju dziaržkiravańnia, adnak pakul pytańnie ab tym, ci zdolny ŠI adekvatna zamianić jurystaŭ, zastajecca adkrytym.
Skazaŭ «dziakuj» čatu džypici — i kampanija ŭlataje na dziasiatki miljonaŭ dalaraŭ
U Kitai prajšoŭ paŭmarafon z udziełam robataŭ i ludziej. U ludziej atrymałasia lepš
«Kankurencyja vielmi žorstkaja». Za apošnija hady niekalki kitajskich navukoŭcaŭ, jakija zajmalisia ŠI, pamierli ŭ maładym uzroście
Jak štučny intelekt źmienić našu miedycynu za nastupnyja hady? Razvažaje biełaruska-zasnavalnica startapa
Kamientary