U 2022 hodzie ŭ Biełarusi źjaviłasia kampanija «Lepšy brend», jakaja zajmajecca prodažam bombieraŭ brenda Lepshy. Pra jaje prybytak piša «Lusterka».
U takoj kurtcy, jak na fota, u 2022 hodzie Alaksandr Łukašenka źjaviŭsia ŭ Chatyni. Telehram-kanał «Puł pieršaha» tady zajaviŭ, što heta novy brend, stvorany śpiecyjalna dla palityka. U toj ža čas prapahandysckaje miedyja «Minskaja praŭda» pisała, što heta brend ad Łukašenki.
U 2024 hodzie vyručka ad prodažu pradukcyi kampanii «Lepšy brend» vyrasła amal u čatyry razy ŭ paraŭnańni z 2023-m: z 660 tys. da 2,6 młn. A prybytak pavialičyŭsia z 59 tys. da 546 tys. rubloŭ.
Za hod čysty prybytak (dachod paśla vyliku ŭsich vydatkaŭ i padatkaŭ) pavialičyŭsia bolš čym u dzieviać razoŭ: z 54 tys. da 502 tys. rubloŭ.
Źviartaje na siabie ŭvahu, što ŭ finansavaj spravazdačy nie fihuruje suma vypłačanaha padatku na prybytak — ni ŭ 2023, ni ŭ 2024 hodzie. Z dakumienta vynikaje, što firma jaho nie ŭnosiła.
Što tyčycca inšych padatkaŭ i zboraŭ, to ich kampanija vypłaciła na 475 tys. Hodam raniej było 134 tys. rubloŭ.
Na kaniec hoda hatovaj pradukcyi na składach u jaje nazapasiłasia na 314 tys. rubloŭ.
Kamu naležyć kampanija
Kampanijaj vałodaje siabar Łukašenki Dźmitryj Baskaŭ, jakomu naležyć 80% akcyj, i Anfiłava Maryna Valerjeŭna, jakaja maje astatnija 20%.
Raniej u pieršy hod pracy arhanizacyi siarod zasnavalnikaŭ značyłasia taksama dyzajnier bombieraŭ Anastasija Falkovič. A kiruje kampanijaj z 2023 hoda Viktoryja Sotnikava.
U «Lepšaha brenda» jość dva mahaziny — u «Halereja Ełacia» i TC «Pieršy Nacyjanalny handlovy dom».
Kamientary