«Mianie hrochnuć na druhi dzień». Prapahandystka Simańjan raskazała, jak chacieła jechać vajavać — a paśla pieradumała
Viadomaja rasijskaja prapahandystka, hałoŭnaja redaktarka prapahandysckaha telekanała Russia Today Marharyta Simańjan źniałasia ŭ prahramie «Los čałavieka», dzie raskazała, što paśla taho, jak jaje muž Tyhran Kieasajan trapiŭ u komu, nibyta chacieła jechać vajavać va Ukrainu.
«Ja vyrašyła, što kali hetaja koma i takaja ciažkaja situacyja… ja pajedu na SVA [śpiecyjalnaj vajennaj apieracyjaj (SVA) rasijskija ŭłady i prapahandysty nazyvajuć raźviazanuju Kramlom vajnu va Ukrainie. — Red.], tamu što ja nie mahu bolš žyć. […] Mnie to budzie lahčej, mianie hrochnuć na druhi dzień», — zajaviła jana.
Praŭda, paźniej Simańjan nibyta stała dumać pra dziaciej i admoviłasia ad hetaj idei:
«Ja zrazumieła, nie zmahu tak žorstka zrabić ź imi. Stała šukać inšyja suciašeńni».
Ciapier, pavodle słoŭ prapahandystki, jana «žyvie z pačućcia doŭhu, tamu što abaviazanaja».
Apošnija niekalki miesiacaŭ, z kanca minułaha hoda, muž Simańjan, taksama viadomy prapahandyst Tyhran Kieasajan, znachodzicca ŭ komie. Pavodle słoŭ Simańjan, u jaho daŭno i mocna chvoraje serca.
Pucin daŭ zvańnie zasłužanaha artysta Rasii prapahandystu, jaki lažyć u komie
Muž Simańjan prapahandyst Tyhran Kieasajan dahetul u komie
Rasijski prapahandyst Tyhran Kieasajan pieražyŭ kliničnuju śmierć i znachodzicca ŭ komie
Kiraŭnik aparatu Pašyniana abvinavaciŭ rasijskija miedyja ŭ hibrydnaj vajnie suprać Armienii, a najbolšymi prapahandystami tam nazvaŭ armian
Simańjan zaklikała pucincaŭ brać prykład z Muraŭjova-Viešalnika
Ciapier čytajuć
Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?6
Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4242
Kamientary