Padpał IKEA ŭ Vilni: hramadzianinu Ukrainy pradjaŭleny abvinavačańni ŭ teraryźmie
U sieradu Vilenski akruhovy sud pačaŭ zakrytaje pasiedžańnie pa spravie ab padpale handlovaha centra IKEA. Abvinavačany — hramadzianin Ukrainy, jakomu na momant učynieńnia złačynstva było 17 hadoŭ, piša Delfi.lt.
Małady čałaviek pryznaŭ svaju vinu i pahadziŭsia davać pakazańni. Na pasiadžeńnie jaho dastavili supracoŭniki Słužby hramadskaj biaśpieki (SHB) — 13 maja spoŭnicca hod, jak jon znachodzicca za kratami, i da hetaj daty jon utrymlivaŭsia pad vartaj.
«Jon skazaŭ, što zhodny z pradjaŭlenymi abvinavačvańniami, jon pryznajecca, ja dumaju, što ŭ pryncypie ŭ hetaj spravie mahčyma skaročanaje vyvučeńnie dokazaŭ, tady prysud moža być skaročany na tracinu, zakon praduhledžvaje ŭ takich vypadkach pakarańnie na tracinu mienš», — skazaŭ ahienctvu Elta prakuror Hienprakuratury Tomas Ułdukis, jaki padtrymlivaje abvinavačvańnie ŭ hetaj spravie.
Pavodle prakurora, abvinavačvańnie pa dadzienaj spravie źjaŭlajecca ŭsiebakovym i padrabiaznym, u chodzie papiaredniaha rasśledavańnia ŭkrainiec nieadnarazova dapytvaŭsia i davaŭ pakazańni. Pry skaročanym vyvučeńni dokazaŭ śviedki ŭ sud nie vyklikajucca i nie dapytvajucca.
Akramia taho, jak niepaŭnaletni hramadzianin Ukrainy jon nie moža być asudžany da pazbaŭleńnia voli na termin bolš za 10 hadoŭ. Sprava razhladajecca na zakrytych sudovych pasiadžeńniach, pakolki na momant učynieńnia złačynstva małady čałaviek byŭ niepaŭnaletnim.
Nastupnaje słuchańnie pa spravie adbudziecca 9 maja.
Abaronu ŭkrainca ŭ sudzie ažyćciaŭlaje pryznačany Litoŭskaj dziaržavaj advakat, a z udzielnikami pracesu jon kantaktuje praz ruska-litoŭskaha pierakładčyka.
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary