Jon zaprasiŭ žurnalistaŭ, jakija cikavilisia jahonym zdaroŭjem, «raźmiacca i papłavać».
Słavacki premjer-ministr Robiert Fica adreahavaŭ na čutki pra paharšeńnie zdaroŭja, apublikavaŭšy fota, dzie jon u futbołcy nyraje ŭ Dunaj, piša «Jeŭrapiejskaja praŭda».
Na svajoj staroncy ŭ Facebook premjer Słavakii napisaŭ, što zaprasiŭ žurnalistaŭ, jakija cikavilisia jahonym zdaroŭjem, «raźmiacca i papłavać».
«Nichto nie pryjšoŭ. Ja razumieju. Napeŭna, krychu nakrapała i było prachałodna», — dadaŭ jon, prykłaŭšy fota svajho kupańnia ŭ Dunai.
Apošnimi dniami ŭ słavackich ŚMI źjaŭlalisia zdahadki, što ŭ Ficy pahoršyŭsia stan zdaroŭja, pakolki jon niespadziavana skasavaŭ udzieł u niekalkich mierapryjemstvach z nahody Pieršamaju.
Na hetym fonie rasijskija krynicy navat dapuskali, što premjer Słavakii moža nie pryjechać u Maskvu 9 maja — chacia jon źjaŭlajecca adzinym lidaram ES, jaki na heta zhadziŭsia.
Saratniki Ficy, adnak, abvierhli hetyja čutki. A sam słavacki premjer napiaredadni pryznaŭ, što maje niekatoryja prablemy sa zdaroŭjem paśla zamachu ŭ traŭni 2024 hoda, ale jany nie ŭpłyvajuć na jaho pracu.
Ciapier čytajuć
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju11
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii99
Kamientary