Ci sapraŭdy «Avija Moł» taki žachliva vielizarny, jak jaho apisvajuć?
U Minsku adkryŭsia novy handlova-zabaŭlalny centr — «Avija Moł». Niekatoryja naviedvalniki ŭžo paśpieli nazvać jaho pamiery «absalutna nialudskimi». Raźbirajemsia, nakolki hetyja zajavy adpaviadajuć rečaisnaści i z čym nasamreč varta paraŭnoŭvać «Avija Moł».
Pavodle aficyjnych danych, ahulnaja płošča «Avija Moła» składaje 138 200 m². Siudy ŭvachodziać nie tolki handlovyja halerei, ale i zony charčavańnia, zabaŭ, techničnyja pamiaškańni i vielizarny parkinh prykładna na 3000 mašyn.
Arendnaja handlovaja płošča aficyjna nie raskryvajecca, ale, pavodle acenak ekśpiertaŭ, jana moža składać ad 60 da 70 tysiač kvadratnych mietraŭ. Paviedamlajecca, što ŭ centry raźmieściacca 500 kram i 35 restaranaŭ.
Kali paraŭnoŭvać ź inšymi handlovymi centrami Biełarusi, to «Avija Moł» sapraŭdy najbolšy. Voś jak vyhladajuć jaho asnoŭnyja kankurenty:
Dana Mall — 97 000 m², ź jakich kala 48 000 m² — handlovaja častka.
Palazzo — 94 870 m², handlovaja častka — 45 500 m².
«Zamak» — 93 298 m², handlovaja płošča — kala 40 000 m².
Green City — 83 000 m², handlovaja płošča — 60 500 m².
Takim čynam, «Avija Moł» apiaredžvaje svajho najbližejšaha kankurenta Dana Mall pa ahulnaj płoščy amal na 40%.
Jak jon vyhladaje ŭ paraŭnańni z handlovymi centrami susiednich krain?
Kali paraŭnoŭvać z najbujniejšymi handlovymi centrami susiednich stalic, to pa ahulnaj płoščy «Avija Moł» sastupaje varšaŭskamu Westfield Arkadia (287 000 m²) amal udvaja, ale pieraŭzychodzić vilenski Akropolis (110 000 m²).
Što da handlovych płoščaŭ, to tut «Avija Moł» sastupaje litoŭskamu centru, u jakoha hety pakazčyk składaje 88 500 m².
Najbujniejšy handlovy centr Ukrainy — Respublika Park u Kijevie. Jaho ahulnaja płošča — 300 000 m², a handlovaja — 135 000 m². Unutry — bolš za 500 kram i bolš za 50 restaranaŭ, a taksama zabaŭlalna-hulniavy park Neopolis z najdaŭžejšaj u Jeŭropie trasaj amierykanskich horak u zakrytym pamiaškańni — 501 mietr.
Ale ŭsie hetyja handlovyja centry sastupajuć maskoŭskamu «Avija Parku», ahulnaja płošča jakoha — 400 000 m², ź jakich handlovaja — 230 000 m². U centry — bolš za 500 kram, akvaryum i zabaŭlalny park.
Jak bačym, na fonie HC susiednich stalic «Avija Moł» — nie taki ŭžo vołat. Ale ŭ paraŭnańni z Palazzo abo Dana Mall jon sapraŭdy padasca vam vielmi vialikim.
Ciapier čytajuć
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi13
Kamientary