Deputaty niamieckaha Bundestaha padčas druhoha za dzień hałasavańnia ŭsio ž taki padtrymali kandydaturu lidara błoka CHDS/CHSS Frydrycha Mierca na pasadu fiederalnaha kanclera Hiermanii.
Padčas pieršaha hałasavańnia, jakoje prajšło ranicaj 6 traŭnia, Mierc niečakana nie zmoh nabrać nieabchodnaj kolkaści hałasoŭ, što zdaryłasia ŭpieršyniu ŭ historyi paślavajennaj Hiermanii.
Tady za jaho prahałasavali tolki 310 deputataŭ pry nieabchodnych 316 hałasach. Druhaja sproba była bolš paśpiachovaj — za Mierca vykazalisia 325 deputataŭ.
Spačatku vydańni Frankfurter Allgemeine i Bild paviedamlali, što ŭ aŭtorak paŭtornaha hałasavańnia nie płanujecca, adnak zatym udałosia damovicca ab praviadzieńni novaha hałasavańnia ŭ toj ža dzień.
Dla praviadzieńnia paŭtornaha hałasavańnia CHDS / CHSS i ich partnior pa kaalicyi, Sacyjał-demakratyčnaja partyja Hiermanii (SDPH), zaručylisia padtrymkaj jašče dźviuch partyj — zialonych i levych.
Frydrych Mierc — paśladoŭny prychilnik padtrymki Ukrainy ŭ jaje vajnie z Rasijaj. Za čas vajny jon niekalki razoŭ jeździŭ u Kijeŭ dla sustrečy z prezidentam Ukrainy Uładzimiram Zialenskim, a taksama abiacaŭ dać ukraincam dalnabojnyja rakiety Taurus. Taksama jon choča zachavać antyrasijskija sankcyi i ličyć, što Ukraina pavinna vieści mirnyja pieramovy z pazicyi siły.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»29
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary