«Dobry dzień dla Hiermanii». Reakcyi niamieckich partyj na pravał Frydrycha Mierca na vybarach kanclera
Siońnia ŭ Bundestahu deputaty nie zmahli zaćvierdzić Frydrycha Mierca novym kancleram Hiermanii. Jamu nie chapiła šaści hałasoŭ. Reakcyi niamieckich palitykaŭ padzialilisia, piša Bild.
U Sacyjał-demakratyčnaj partyi Hiermanii zajavili, što sabataž, vierahodna, zychodzić ad ich partnioraŭ pa kaalicyi — deputataŭ CHDS.
U CHDS (Chryścijanska-demakratyčny sajuz), naadvarot, abvinavacili ŭ sabatažy SDPH. Frydrych Mierc maje namier znoŭ bałatavacca ŭ kanclery na nastupnym tury, jaki, mahčyma, adbudziecca ŭžo zaŭtra.
Lidar «Alternatyvy dla Hiermanii» Alisa Vajdel zapatrabavała adstaŭki Frydrycha Mierca i vystupiła za praviadzieńnie novych vybaraŭ. Sustaršynia partyi Cina Chrupała zajaviŭ, što «heta dobry dzień dla Hiermanii».
Staršynia partyi «Zialonych» Fieliks Banašak nazvaŭ pravał Mierca «pavarotnym momantam», ale «nie ŭ dobrym sensie». Na jaho dumku, «zaraz nie čas dla pratesnaha hałasavańnia. Hiermanii i Jeŭropie patrebna stabilnaść».
Kamientary