U Biełarusi zastałosia kala 800 vieteranaŭ. 427 ź ich — udzielniki vajny
Pa stanie na 1 maja ŭ Biełarusi žyvuć kala 800 vieteranaŭ «Vialikaj Ajčynnaj vajny». Pra heta paviedamiŭ namieśnik načalnika hałoŭnaha ŭpraŭleńnia sacyjalnaha absłuhoŭvańnia i sacyjalnaj dapamohi Ministerstva pracy i sacabarony Mikałaj Aroł, piša BiełTA.
Siarod nazvanych kala 800 vieteranaŭ — 427 udzielnikaŭ i invalidaŭ vajny. Taksama čynoŭnik zhadaŭ pra 6,3 tysiačy asob, što paciarpieli ad nastupstvaŭ vajny, u tym liku 5,6 tysiačy — byłyja viaźni nacysckich kancłahieraŭ.
Pry hetym varta razumieć, što kolkaść niepasrednych udzielnikaŭ vajny našmat mienšaja za ličby, jakija ahučvajucca čynoŭnikami, pakolki, pavodle biełaruskaha zakanadaŭstva, vieteranami VAV ličacca i tyja, chto prymaŭ udzieł «u likvidacyi nacyjanalistyčnaha padpolla na terytoryi Ukrainy, Biełarusi i bałtyjskich krain da kanca 1951 hoda».
Siaredni ŭzrost udzielnikaŭ i invalidaŭ vajny — 99 hadoŭ. Siarod ich 55% — mužčyny, 45% — žančyny. Najbolšaja kolkaść vieteranaŭ žyvie ŭ Minsku i Minskaj vobłaści. Samym «maładym» udzielnikam — partyzanam i padpolščykam — u siarednim 90—91 hod.
Najstarejšamu ŭdzielniku vajny ŭ studzieni spoŭniłasia 105 hadoŭ. Jon uznaharodžany dvuma bajavymi ordenami i ordenam za pracoŭnyja zasłuhi. Paśla vajny jon 45 hadoŭ, jak paviedamlajecca, pracavaŭ nad adbudovaj krainy.
Vypłaty materyjalnaj dapamohi vieteranam sioleta pačalisia 2 maja i praciahnucca da 8 maja. Sumy dapamohi: 5 tysiač rubloŭ— udzielnikam i invalidam vajny, 2,5 tysiačy — inšym katehoryjam vieteranaŭ, 1,5 tysiačy — asobam, što paciarpieli ad vajny.
U paraŭnańni ź minułym hodam pamiery dapamohi pavialičylisia na 20%. Na heta vydzielena kala 13 miljonaŭ rubloŭ. Usiaho dapamohu atrymajuć bolš za 7 tysiač čałaviek.
Pa stanie na 5 maja vypłaty atrymali ŭžo 97% tych, kamu jany pryznačany. Astatnija atrymajuć hrošy ŭ najbližejšyja dni.
«Heta niešta žudasnaje». Delehacyja čynoŭnikaŭ pryjšła pavinšavać 103-hadovaha lažačaha vieterana
Vieterany niekalki dzion zmohuć biaspłatna telefanavać pa mižhoradzie. Ale nie na mabilny
U biełaruskim rajonie sa 100-tysiačnym nasielnictvam nie zastałosia nivodnaha vieterana Druhoj suśvietnaj
Vieteranam vajny rychtujucca vypłacić štohadovyja dapamohi. A kolki ich zastałosia?
Niekatorych vieteranaŭ tyłu ŭ Biełarusi pryznajuć udzielnikami Vialikaj Ajčynnaj vajny
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary