Zialenski: Kali poŭnaja cišynia sapraŭdy zapanuje, Ukraina prapanuje pradoŭžyć jaje
Prezident Ukrainy Uładzimir Zialenski ŭ svaim telehram-kanale pahadziŭsia całkam spynić ahoń, kali «poŭnaja cišynia sapraŭdy zapanuje», i navat prapanavaŭ nie abmiažoŭvacca adnym vielikodnym dniom. Ale dziejničać ukraincy buduć u zaležnaści ad pavodzin Rasii.
Zialenski nahadaŭ, što ŭžo 39 dzion tamu ZŠA zrabili prapanovu poŭnaha i biezumoŭnaha spynieńnia bakami ahniu terminam na 30 dzion. Ukraina pryniała jaje stanoŭča, u toj čas jak Rasija praihnaravała. Što ž tyčycca siońniašniaj inicyjatyvy Pucina, to:
«Kali ciapier Rasija raptam hatovaja sapraŭdy dałučycca da farmatu poŭnaj i biezumoŭnaj cišyni, Ukraina budzie dziejničać lustrana — tak, jak budzie z rasijskaha boku. Cišynia ŭ adkaz na cišyniu, ŭdary ŭ abaronu ad udaraŭ».
Ale Ukraina hatovaja hetym nie abmiažoŭvacca:
«Kali poŭnaja cišynia sapraŭdy zapanuje, Ukraina prapanuje pradoŭžyć jaje i paśla zakančeńnia vielikodnych sutak 20 krasavika ŭ dalejšym».
Na dumku Zialenskaha, reakcyja na hetu prapanovu zaśviedčyć sapraŭdnyja namiery Rasii, bo
«30 hadzin dastatkova dla zahałoŭkaŭ, ale nie dla sapraŭdnych mier umacavańnia davieru. Tryccać dzion mohuć dać śvietu šaniec».
U toj ža čas, jak Zialenskamu dakładvaje hałoŭnakamandujučy USU, na niekatorych učastkach frontu i ciapier praciahvajucca rasijskija šturmavyja dziejańni i nie ścichaje rasijskaja artyleryja.
«Tamu davieru da słoŭ z Maskvy niama. My zanadta dobra viedajem, jak Maskva manipuluje, i zaŭsiody hatovyja da ŭsiaho», — kanstatuje Zialenski.
U suviazi z hetym jon padkreślivaje, što USU buduć dziejničać racyjanalna, dajučy na kožny rasijski ŭdar lustrany adkaz. Rašeńni ž buduć prymacca na padstavie padrabiaznych dakładaŭ hałoŭnakamandujučaha USU Alaksandra Syrskaha, jakich tolki na hety viečar zapłanavana ŭžo dva.
Pucin abjaviŭ vielikodnaje pieramirje
Zialenski zajaviŭ pra rasijskija drony va ŭkrainskim niebie paśla abjaŭleńnia pucinskaha pieramirja
MZS Ukrainy pra pucinskaje pieramirje: Budziem hladzieć na dziejańni, a nie na słovy
Rasijski bieśpiłotnik udaryŭ pa šmatkvaternym domie ŭ Chiersonie za piać chvilin da pačatku pucinskaha pieramirja
Ciapier čytajuć
«Mama płakała try dni, a tata nie razmaŭlaŭ hod». Kazaška vyjšła zamuž za biełarusa — i sutyknułasia z chejtam9
Kamientary