«Babulka-simpapulka». Homielskija prapahandysty skaardynavali botaŭ, kab dakazać realnaść kibierpiensijanierki
Ideołahi adreahavali na niadaŭniuju publikacyju vydańnia «Fłahštok» ab stvareńni prapahandystami falšyvaha vobrazu homielskaj piensijanierki pry dapamozie niejrasietki. Zamiest pryznańnia falsifikacyi rabotniki ideałahičnych słužbaŭ, jak piša «Fłahštok», dali zahad pakidać kamientary pra toje, što homielskaja piensijanierka sapraŭdnaja, prosta jana vielmi dobra vyhladaje.
Pieršyja takija kamientary źjavilisia pad publikacyjaj «Fłahštoka» ŭ telehramie. Najbolš aktyŭnym kamientataram, jak adznačaje vydańnie, stała Kaciaryna Kraŭčanka — staršy inśpiektar adździeła ideałahičnaj raboty, kultury i spraŭ moładzi Łojeŭskaha rajvykankama.
«Jak pa mnie, fota sapraŭdnaha čałavieka, prosta fota prafiesijnaje i fatohrafu reśpiekt. Prosta trochi rastušavali fon i jarčejšyja adcieńni farbaŭ», — napisała dziaržsłužačaja.
Charakterna, adnak, što adzin z kamientataraŭ pryznaŭ štučnaść fota: «Infarmacyja ŭ artykule adpaviadaje realnaści, a toje, što ŭ jaje napisańni vykarystanaja niejrasietka, dyk śviet nie staić na miescy».
Dla kamientaroŭ u sietcy «VKontaktie» była vykarystanaja sietka akaŭntaŭ z falšyvymi fatahrafijami. Usie jany źviazanyja z rajonnymi orhanami ŭłady ci ŭstanovami kultury (Pietrykaŭ, Rečyca, Čačersk) i prykmietnyja svaimi kamientarami pad publikacyjami, dzie ŭłady imknucca adstajać svaje pazicyi.
Adzin z falšyvych akaŭntaŭ tak adpracavaŭ zadańnie:
«Babulka-simpapulka. Pryjemna pahladzieć, dumaju, bieź filtra budzie hladziecca nie horš. A dla čaho pieramyvańnie artykuła, ciapier moładź fota biez apracoŭki nie vystaŭlaje ŭ sietki i heta norma, a tut užo ŭsio — trahiedyja».
Kaardynataram botaŭ, vierahodna, vystupiŭ načalnik adździeła infarmacyjna-analityčnaj raboty ŭpraŭleńnia ideałohii Homielskaha abłvykankama Dźmitryj Isačanka. Mienavita jaho telehram-kanał pieršym adreahavaŭ na publikacyju «Fłahštoka», piša vydańnie.
Aktyvistka BRSM uznačaliła skandalnuju homielskuju rajonku. Šlach ad pačatkoŭca da kiraŭnicy zaniaŭ krychu bolš za hod
«Usia heta vajna nam nach** nie patrebna». Cmierć Pryhožyna adbiłasia na nastrojach biełaruskich i rasijskich prapahandystaŭ
«I sa svajho sajta prapahandysty infarmacyju prybrali». Jak ciapier vyhladaje ŭ Žodzinie pierachod, kaliści raśpijarany jak «inavacyjny»
Ciapier čytajuć
Łukašenka niezadavoleny vice-premjerkaj Natallaj Piatkievič — «buksuje»21
Kamientary