Niaviesta ŭ Hrodnie trapiła ŭ balnicu pierad samoj rehistracyjaj. Viasielle prajšło ŭ stacyjanary
Jak kažuć u miedustanovie, usio było vielmi chvalujuča i kranalna.
U Hrodnie pierad samym viasiellem niaviesta trapiła ŭ balnicu, ale šlub usio ž taki adbyŭsia ŭ pryznačany dzień — u stacyjanary. Pra heta BiełTA raskazali ŭ Hrodzienskaj haradskoj balnicy chutkaj miedycynskaj dapamohi.
«Heta byŭ adnosna spakojny dzień, jak raptam da nas u pryjomnaje adździaleńnie ŭbieh uzrušany žanich: jahonaja niaviesta terminova trapiła ŭ balnicu prosta pierad rehistracyjaj šlubu», — raskazali ŭ miedustanovie.
«Rychtavalisia da pryjezdu maładych, i tut raptam uskočyŭ uzrušany žanich. U vačach tryvoha, hołas dryžyć… Niaviesta terminova trapiła ŭ balnicu», — dapoŭniła raskaz miedykaŭ načalnik adździeła ZAHS administracyi Kastryčnickaha rajona Hrodna Alena Šut.
Adnak chłopiec vyrašyŭ, što heta nie nahoda pieranosić viasielle. Zakachanamu žanichu ŭdałosia pierakanać usich. Dziakujučy kiemlivaści maładoha čałavieka, padtrymcy daktaroŭ BCHMD i addanaści supracoŭnikaŭ ZAHSa ŭračystaść adbyłasia ŭ termin.
Viasielle prajšło prosta ŭ stacyjanary. Jak kažuć u miedustanovie, usio było vielmi chvalujuča i kranalna.
«Takija momanty zastajucca ŭ sercy nadoŭha — u nas, u maładych i va ŭsich, chto byŭ pobač», — padzialilisia ŭražańniami ŭ balnicy.
Usie spadziajucca, što maładaja žonka chutka pojdzie na papraŭku, bo kachańnie taksama lečyć i dapamahaje miedykam.
Ciapier čytajuć
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia11
Kamientary