Pahadnieńnie ab nietrach pamiž Ukrainaj i ZŠA mohuć padpisać na praciahu sutak
Premjer-ministr Ukrainy Dzianis Šmyhal u efiry adzinaha telemarafona dniom 30 krasavika paviedamiŭ, što ŭ prajekcie pahadnieńnia sa Złučanymi Štatami ab karysnych vykapniach uzhadniajuć apošnija detali, i dakumient mohuć padpisać u najbližejšyja sutki, paviedamlaje «Ukrainskaja praŭda».
Kiraŭnika ŭkrainskaha ŭrada paprasili prakamientavać čutki ŭ ŚMI pra toje, što pahadnieńnie ab nietrach moža być padpisanaje najbližejšym časam. Šmyhal adkazaŭ, što ciapier Ukraina «dapracoŭvaje kančatkovyja detali z našymi amierykanskimi kalehami» i što pieršaja vice-premjer Julija Śvirydzienka ŭžo vylecieła ŭ ZŠA.
Pavodle jaho słoŭ, heta budzie «raŭnapraŭnaje dobraje mižnarodnaje pahadnieńnie ab sumiesnych inviestycyjach u raźvićcio i adnaŭleńnie Ukrainy».
«Jak tolki buduć dapracavanyja ŭsie kančatkovyja detali, u najbližejšy čas, ja spadziajusia, na praciahu bližejšych sutak, pahadnieńnie budzie padpisana. I, adpaviedna, my atrymajem pieršy krok», — skazaŭ Šmyhal.
«Pryncypovyja momanty ŭsie ŭzhodnienyja, urad apracavaŭ tekst pahadnieńnia. Faktyčna na hety momant ŭzhadnieńni asnoŭnych ministerstvaŭ užo sabrany, tamu ŭrad technična hatovy ŭ luby momant, jak tolki budzie kančatkovaja infarmacyja ad našych kalehaŭ z Vašynhtona, zaćvierdzić hetaje pahadnieńnie i my budziem hatovyja da jaho padpisańnia», — dadaŭ jon.
Dzianis Šmyhal detalizavaŭ, što paśla taho pavinny być padpisanyja jašče dva «techničnyja» pahadnieńni — ab stvareńni inviestycyjnaha fondu i jaho finansavańni.
Rasija zhodnaja abmiarkoŭvać pytańnie pieradačy ZŠA kantrolu nad Zaparožskaj AES
Stała viadoma, pra što mahli razmaŭlać Zialenski i Tramp padčas sustrečy ŭ Vatykanie
Tramp vieryć, što Pucin choča spynić vajnu, ale dapuskaje, što toj «duryć jamu hałavu»
«Šancy na spynieńnie ahniu roŭnyja nulu». ZŠA paviedamili Jeŭropie, što pieramovy z Pucinym zajšli ŭ tupik
Ciapier čytajuć
Kolki sioleta tracili na viasielli ŭ Biełarusi? Sabrali realnyja ličby tych, chto pabyvaŭ u ZAHSie7
Kamientary