Kab vydać martyraloh biełarusaŭ, Leanid Marakoŭ pradaŭ ułasnaje aŭto.
5 vieraśnia na schodzie Biełaruskaha PEN-Centru Leanid Marakoŭ byŭ uhanaravany pačesnaj premijaj imia Franciška Bahuševiča. Uručajučy ŭznaharodu, Uładzimier Niaklajeŭ adznačyŭ, što daśledčyk vykanaŭ pracu cełaha instytutu. Šmattamovy daviednik «Represavanyja litaratary, navukoŭcy, rabotniki aśviety, hramadzkija i kulturnyja dziejačy Biełarusi 1794-1991» nia maje analahaŭ. Heta svajho rodu pomnik, jaki plamieńnik pastaviŭ svajmu dziadźku, Valerju Marakovu, zakatavanamu savietami.
Kab vydać daviednik «Represavanyja...», piśmieńnik pradaŭ svoj mikraaŭtobus. Adnak praca hetaja dalokaja ad zaviaršeńnia. Uvieś čas adšukvajucca novyja i novyja źviestki. Jak sumna pažartavali kalehi na schodzie PEN-Centru, u Marakova jašče jość kvatera. Viadoma ž, RB nie daje na takija knihi ni kapiejki.
Miž tym aŭtar rychtuje da druku jašče adnu pracu, jakaja maje pracoŭnuju nazvu «Tolki adna noč». U knizie źmieščanyja bijahrafii rasstralanych 27 kastryčnika 1937 h. , kali ŭ adnu noč byli rasstralanyja kala 100 dziejačoŭ nacyjanalnaj kultury. Pryvodziacca taksama i źviestki pra ichnych kataŭ, jakija ŭ raskošy dažyvali svaje dni na praspekcie Skaryny...
Laŭreatami litaraturnaj premii imia Franciška Bahuševiča ŭ roznyja hady stanavilisia Kastuś Akuła, Aleś Bieły, Andrej Katlarčuk, Zachar Šybieka, Nina Stužynskaja i inšyja piśmieńniki j historyki.
Leanid Marakoŭ – prazaik i historyk, plamieńnik litaratara Valerja Marakova, zabitaha ŭ 1937. Jon aŭtar daviednikaŭ «Valery Marakoŭ. Los. Chronika. Kantekst», «Vyniščeńnie». Aŭtar knih prozy: «Niepamiarkoŭnyja I», «Niepamiarkoŭnyja II», «Troje», «100 minijaciur». Vyjšła try tamy składzienaha im encyklapedyčnaha daviednika «Represavanyja litaratary, navukoŭcy, rabotniki aśviety, hramadzkija i kulturnyja dziejačy Biełarusi 1794-1991». Naradziŭsia ŭ 1958-m. Žyvie ŭ Miensku.
Fota Julii Daraškievič
Ciapier čytajuć
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ2
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary