U Maskvie dvornikam razdali binokli i zahadali kruhłasutačna šukać u niebie bieśpiłotniki
Ataki dronaŭ pierad 9 maja stvaryli chaos u jeŭrapiejskaj častcy Rasii. U Maskvie na baraćbu ź bieśpiłotnikami mabilizavali dvornikaŭ.
U Maskvie kamunalnikaŭ mabilizavali na baraćbu ź bieśpiłotnikami. Im razdali binokli i adpravili na dachi damoŭ sačyć za niebam. Pryčym pracavać prymušajuć zvyšuročna.
Kamunalnikaŭ z upraŭleńnia «Žiliŝnik» u Maskvie na fonie atak bieśpiłotnikaŭ napiaredadni paradu 9 maja pieraviali ŭ praktyčna kruhłasutačny režym pracy, piša «Vierstka».
«Majstram učastkaŭ razdali binokli i adpravili na dachi žyłych damoŭ sačyć za bieśpiłotnikami. Nu i ŭsim astatnim treba hladzieć na nieba, šukać drony», — raspavioŭ supracoŭnik «Žiliŝnika» adnaho z rajonaŭ na poŭdni Maskvy.
Pavodle jaho słoŭ, što mienavita treba rabić u vypadku vyjaŭleńnia BPŁA, jon nie viedaje. «Nas nichto nie instruktavaŭ na hety vypadak. Napeŭna, standartnyja mierapryjemstvy — patelefanavać 112», — vykazaŭ zdahadku kamunalnik.
Inšy supracoŭnik na ŭschodzie rasijskaj stalicy raspavioŭ, što ŭ suviazi z atakami BPŁA ŭzmocnieny sumiesnyja patruli kamunalnikaŭ i palicejskich.
«Try dni pracujem zvyšuročna. U punktach na haryščach dziažurstvy z antydronavymi padraździaleńniami, sočym, rychtujemsia źbivać. Dvornikam razdali binokli», — rastłumačyŭ jon.
Taki režym pracy praciahniecca jak minimum bližejšyja try dni. Ułady čakajuć nalotu BPŁA padčas repietycyi paradu, a taksama 9 maja.
Bieśpiłotniki masava atakujuć centralnuju častku Rasii druhija sutki zapar. U aeraportach Maskvy i inšych haradoŭ uvodziać časovyja abmiežavańni, zatrymany abo admienieny dziasiatki rejsaŭ. Akramia taho, z-za «mier biaśpieki» ŭłady abmiežavali dostup da mabilnaha internetu, što vyklikała pieraboi ŭ pracy mabilnych apierataraŭ, bankamataŭ, zapravačnych stancyj, kram.
Ciapier čytajuć
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma9
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary
Heta chto kaho jašče źbivać budzie ;) Rychtujcie lepiej pysy da ahladu.