Z pačatku śniežnia ŭ Minskaj vobłaści stali vykarystoŭvać mabilnyja kamiery na darohach. U DAI padrabiaźniej raskazali av.by, jak jany pracujuć i jakija parušeńni łoviać.
Kamiera abstalavanaja mahnitam, tamu jaje lohka možna zafiksavać na kožnym mietaličnym abjekcie, tłumačyć inśpiektar.
«Źviestki pieradajucca ŭ režymie anłajn. Naciskam knopki možna ŭklučyć zapis (hetuju funkcyju my aktyvujem tolki pry vyjaŭleńni parušeńnia). Taksama možna zrabić zdymak ekrana, aktyvavać sirenu, pierajści ŭ načny režym, nastroić absiah vyjaŭleńnia i šmat inšaha. U adnoj prahramie možna pracavać adnačasova ź niekalkimi kamierami».
Mabilnaja kamiera dapamahaje złavić u pieršuju čarhu niapropusk piešachoda, parušeńnie praviłaŭ prajezdu skryžavańniaŭ, vykarystańnie telefona. Taksama hetaja kamiera fiksuje, ci pryšpileny kiroŭca i pasažyr — ale tolki ŭ varunkach dobraha nadvorja.
Kamiera moža dapamahčy vyjavić i pierachod prajeznaj častki ŭ nieŭstanoŭlenym miescy.
Bieź pierapynku kamiera moža pracavać amal piać hadzin.
Za dźvie hadziny pracy ŭ čas pik kamiera časam łović pa 6—7 parušeńniaŭ.
Pieravaha takich kamier u tym, što ich možna pastavić u lubym miescy na niepraciahły čas (u adroźnieńni ad stacyjanarnych) —naprykład, kali treba adpracavać adcinak padvyšanaj avaryjnaści.
A što kali na vulicy drennaja bačnaść?
«Nieprapuskańnie piešachodaŭ možna vyjavić navat u samych składanych umovach nadvorja, — kažuć u DAI. — Kali kamiery nie ŭdałosia raspaznać rehistracyjnyja znaki transpartnaha srodku, a kiroŭca nie zhodny z parušeńniem, to na dapamohu ŭžo prychodziać kamiery Respublikanskaj sistemy manitorynhu hramadskaj biaśpieki, ustalavanyja na šlachu ruchu aŭto. Jany fiksujuć rehistracyjnyja znaki pry lubym nadvorji».
Kamientary