Sustreču Zialenskaha i Trampa pieranieśli na niekalki hadzin raniej
Sustreča prezidenta Ukrainy Uładzimira Zialenskaha i prezidenta ZŠA Donalda Trampa adbudziecca a 21:00 pa minskim časie, što na niekalki hadzin raniej, čym płanavałasia raniej.
Sustreča była zapłanavana na 23:00 pa minskim časie, adnak jaje pieranieśli na 21:00. Raskład Biełaha doma śviedčyć ab tym, što a 13:00 pa miascovym časie Tramp prymie ŭdzieł u dvuchbakovaj sustrečy z prezidentam Ukrainy. Sustreča prezidentaŭ adbudziecca ŭ horadzie Pałm-Bič, štat Fłaryda. Ukrainskaja delehacyja ŭžo ŭ ZŠA, piša «UP».
U skład pieramoŭnaj hrupy Ukrainy ŭvajšli: sakratar SNBA Rustem Umieraŭ, ministr ekanomiki Alaksiej Sobaleŭ, načalnik Hienieralnaha štaba USU Andrej Hnataŭ, pazaštatny savietnik kiraŭnika Ofisa prezidenta Alaksandr Bieŭz i pieršy namieśnik ministra zamiežnych spraŭ Siarhiej Kiślica.
Taksama prezident Ukrainy nazvaŭ 5 tematyčnych błokaŭ, pa jakim pojdzie havorka ŭ pieramovach pa mirnym płanie i jakija jon choča abmierkavać z Trampam na sustrečy.
«My abmiarkoŭvajem harantyi biaśpieki Ukraina — Złučanyja Štaty. Heta adzin dakumient. My abmiarkoŭvajem taksama harantyi biaśpieki ź Jeŭropaj. My abmiarkoŭvajem vajskovaje vymiareńnie. Heta častka harantyj biaśpieki», — adznačyŭ prezident.
Čaćviortym błokam jon zhadaŭ «płan dabrabytu, u jakim budzie jašče šmat roznych dakumientaŭ», u ramkach jakoha abmiarkoŭvajecca pryciahnieńnie na adnaŭleńnie Ukrainy da 800 młrd dołaraŭ i stvareńnie šerahu fondaŭ.
«I piataje, toje, što my chočam abmierkavać z prezidentam — heta płan paśladoŭnych dziejańniaŭ. To-bok my chočam prapanavać krok za krokam, jak možna zrabić tak, kab usie tyja płany, pra jakija ja ŭžo skazaŭ, realna zapracavali. Jany, biezumoŭna, prahavorać usio heta z ruskimi, i budziem mieć feedback (zvarotnuju suviaź — red.)», — skazaŭ Zialenski.
Ciapier čytajuć
Stali viadomyja padrabiaznaści pra trahiedyju ŭ Połackim manastyry9
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
Ahientura z abodvuch bakoú .
,,Brava,, , Łubianka .
Kali navat i ni aChienty
Adzin piersanaž seryała ińšy akcer epizoda " adzin doma"