Va Ukrainie jašče adna hučnaja karupcyjnaja sprava. Siarod padazravanych — deputaty «Słuhi naroda»
Pavodle źviestak śledstva, udzielniki hrupy atrymlivali niepravamiernuju vyhadu za hałasavańnie ŭ Viarchoŭnaj Radzie Ukrainy.
Va Ukrainie jašče adna hučnaja karupcyjnaja sprava. 27 śniežnia Nacyjanalnaje antykarupcyjnaje biuro Ukrainy (NABU) i Śpiecyjalizavanaja antykarupcyjnaja prakuratura (SAP) paviedamili, što praviali apieracyju pad prykryćciom i vykryli arhanizavanuju złačynnuju hrupu, u skład jakoj uvachodzili dziejnyja narodnyja deputaty Ukrainy. Pavodle źviestak śledstva, udzielniki hrupy na sistematyčnaj asnovie atrymlivali niepravamiernuju vyhadu za hałasavańnie ŭ Viarchoŭnaj Radzie Ukrainy.
Pavodle źviestak krynic «Ukrainskaj praŭdy», padazreńni ŭžo atrymali narodnyja deputaty ad «Słuhi naroda» Jaŭhien Pivavaraŭ, Ihar Niehuleŭski, Volha Saŭčanka i Juryj Kisiel, ale mohuć być i inšyja padazreńni.
U toj ža čas vydańnie Zn.ua paviedamlaje pra padazreńni tolki trom nardepam — Pivavaravu, Nkhuleŭskamu i Kisialu pavodle art. 368 Kryminalnaha kodeksa Ukrainy (pryniaćcie prapanovy, abiacańnia abo atrymańnie niepravamiernaj vyhady słužbovaj asobaj).
Jak piša vydańnie, u pastanovie, akramia artykuła 368, byli taksama paznačanyja artykuły 255 (stvareńnie, kiravańnie złačynnaj supolnaściu abo złačynnaj arhanizacyjaj, a taksama ŭdzieł u joj) i 369 (prapanova, abiacańnie abo spryjańnie ŭ niepravamiernaj vyhadzie słužbovaj asobie).
11 śniežnia paviedamlałasia pra prasłuchoŭvańnie ŭ ofisie deputata «Słuhi naroda» Juryja Kisiala, dziakujučy jakomu NABU zmahło zafiksavać jaho kanfidencyjnyja kantakty nie tolki z byłym pieršym pamočnikam prezidenta Siarhiejem Šefiram, ale i ź inšymi šmatlikimi vysokapastaŭlenymi čynoŭnikami. Krynicy Zn.ua raspaviali, što detektyvy vyjšli na «kasavaje akno», dzie deputaty «Słuhi naroda» atrymlivali cieniavyja vypłaty.
Jak piša vydańnie, spravu pra heta NABU rasśledavała jašče tady, kali jaho dyrektaram byŭ Arciom Sytnik. Tady ciapier zahinuły deputat Anton Palakoŭ paviedamiŭ, što deputatam partyi płaciać zarobki ŭ kanviertach: pa 5 tysiač dalaraŭ — zvyčajnym parłamientaryjam, i pa 10—15 tysiač — staršyniam i namieśnikam staršyniaŭ kamitetaŭ. Praź niekatory čas NABU vybiła z hulni kasira ŭhody — Alaksandra Truchina.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary