Uładzimir Pucin ranicaj 27 śniežnia pryjechaŭ na adzin z punktaŭ kiravańnia abjadnanaj hrupoŭki vojskaŭ. Videa apublikavała pres-słužba Kramla.
Pucinu paviedamili pra nibyta zachop Hulajpola i Ściepnahorska ŭ Zaparožskaj vobłaści, Dzimitrova ŭ Danieckaj vobłaści i niekalkich viosak.
«U zonie SVA jość dobryja vyniki, vajskoŭcam jość čym paradavać hramadzian», — skazaŭ Pucin.
Z-kanały pry hetym paviedamlajuć, što ŭ Hulajpoli praciahvajucca bai, a US RF zachapili tolki zachodniuju i centralnuju častku horada, dadaje Astra.
«Suśpilnie» sa spasyłkaj na kamandzira 1‑ha šturmavoha pałka Dźmitryja Fiłatava paviedamlała ŭčora, što kamandny punkt USU ŭ Hulajpoli pakinuli biez boju praz paniku asabovaha składu i niadbajnych dziejańniaŭ kamandziraŭ, niahledziačy na toje, što ŭ horad zajšła infiltravanaja hrupa tolki z troch vajskoŭcaŭ RF.
Hałoŭnaja prablema ŭ tym, što bataljon na peŭny čas straciŭ kiravańnie, što dazvalaje rasijanam prasoŭvacca ŭhłyb Hulajpola.
Analityki zaznačajuć, što Hulajpole pieratvarajecca ŭ «vialikuju šeruju zonu», dzie vuličnyja bai iduć za kožny dom, a rasijanie majuć kolkasnuju pieravahu.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ3
Kamientary
I što z tvaram kazaki? Jak vam vyniki Pierasłaŭskaj rady?