«Pryhažość sa šnarami»: ukrainski Playboy zrabiŭ śpiecprajekt sa skalečanymi žančynami
Hałoŭnymi hierainiami majskaha prajekta ŭ eratyčnym časopisie stali ŭkrainki, jakija atrymali surjoznyja traŭmy padčas vajny.
Pazujuć madeli ŭ sukienkach ukrainskich dyzajnieraŭ i z upryhožańniami z kalekcyi «Kachańnie vartaje ŭsiaho». Adznačajecca, što pryśviečany prajekt žanočaj pryhažości, jakaja nie źnikaje paśla traŭmy: «Ab pryniaćci, jakoje pačynajecca z sumlennaha, dalikatnaha pohladu na siabie novuju — biez zababonaŭ. Hetaja pryhažość nie dla paraŭnańnia. Jana — kab natchniać».
Nahadajem: krasaviku 2022 hoda eratyčny časopis pryśviaciŭ śpiecvypusk vajnie. Jaho možna było nabyć anłajn za sumu ad 10 da 200 jeŭra (čałaviek sam moh vybrać), jakaja paśla pajšła na dapamohu frontu.
U žniŭni 2023 «Playboy Ukraina» prezientavaŭ pieršy drukavany vypusk za čas poŭnamaštabnaj vajny. Na vokładcy tady była chirurh, madel i televiadučaja Iryna Biełacarkoviec, jakaja była paranienaja padčas abstrełu Kijeŭskaj vobłaści i straciła voka. Taksama ŭ časopisie byli źmieščany apoviedy inšych ukrainskich žančyn, udzielnic prajekta Women Stay Strong, jakija atrymali traŭmy padčas vajny.
Kamientary