Pucinskija «Načnyja vaŭki» pasadzili ŭ Breście arešnik u miežach akcyi «Ruski les»
Rasijskija bajkiery zajavili, što heta — napamin tym, chto «adradžaje karyčnievuju čumu».
Rasijskija praŭładnyja bajkiery z kłuba «Načnyja vaŭki» praviali ŭ Breście akcyju «Ruski les».
Jany pasadzili na terytoryi Hienieralnaha konsulstva Rasii sadžancy arešniku, jakija pryvieźli z saboj.
«Matacyklisty razam z dypłamatami vysadzili na terytoryi Hienkonsulstva sadžancy arešniku, pryviezienaha z Rasii jak napamin tym, chto adradžaje «karyčnievuju čumu» XXI stahodździa», — zajavili ŭ rasijskim dyppradstaŭnictvie.
Bajkiery taksama ŭziali ŭdzieł u šeści «Nieśmiarotny połk», jakoje sioleta ŭłady Biełarusi ŭpieršyniu za doŭhi čas dazvolili pravieści.
«Arešnikam» nazvali novuju rasijskuju balistyčnuju rakietu siaredniaj dalokaści. Łukašenka i Pucin, zdajecca, damovilisia ab jaje raźmiaščeńni ŭ Biełarusi, adnak pakul hetaha nie adbyłosia.
«Načnyja vaŭki» źjavilisia jašče ŭ časy poźniaha SSSR. Kłubam kiruje adyjozny bajkier Alaksandr Załdastanaŭ pa mianušcy «Chirurh». Pad jaho kiraŭnictvam «Načnyja vaŭki» pieratvarylisia ŭ instrumient rasijskaj prapahandy.
Ciapier čytajuć
«Ja nie chaču adpuskać žyćcio». U piśmieńnicy Śviatłany Kurs rak na poźniaj stadyi10
Kamientary
Nie tam sažajetie,dbły. [Red. Vydalena]
[Zredahavana]