Karystalniki sacsietak sustreli hetuju ideju z abureńniem i sarkazmam, adnak ekśpierty miarkujuć, što da parady pieravozčyka varta prysłuchacca — prynamsi tym, chto vybiraje vuzkija madeli.
Jak piša Daily Mail, irłandskaja łoŭkost-kampanija Ryanair, jakaja rehularna publikuje parady i naviny ŭ svaich sacsietkach, niadaŭna raźmiaściła ŭ TikTok videa z podpisam: «2026 hod — davajcie pierastaniem padarožničać u džynsach». Jak i mnohija inšyja pravakacyjnyja publikacyi Ryanair, hetaje paviedamleńnie imhnienna vyklikała chvalu reakcyj.
Karystalniki iranizavali, što nieŭzabavie avijakampanija pačnie brać asobnuju płatu za našeńnie džynsaŭ, abo patrabavali pavialičyć normu ručnoj pakłažy, «kab było kudy hetyja džynsy pakłaści». Na prośbu adnaho z padpisčykaŭ patłumačyć, što nie tak z hetym adzieńniem, administratary akaŭnta Ryanair adkazali: «A što ŭ ich dobraha?»
Jak adznačaje vydańnie, krytyka džynsaŭ padčas palotaŭ hučyć nie ŭpieršyniu, i niekatoryja ekśpierty padtrymlivajuć hetuju pazicyju. Lekary-flebołahi papiaredžvajuć: toje, što my adziavajem u samalot, naŭprost upłyvaje na cyrkulacyju kryvi. Vuzkija džynsy (jak i lehinsy) źjaŭlajucca adnym z najhoršych varyjantaŭ dla praciahłaha siadzieńnia ŭ kreśle.
Zanadta ščylnaje adzieńnie ŭskładniaje narmalny prytok i adtok kryvi ŭ nahach. Pry praciahłym siadzieńni, asabliva ŭ samalocie, heta spryjaje zastoju kryvi ŭ nižnich kaniečnaściach i pavyšaje ryzyku trambozu hłybokich vien — niebiaśpiečnaha stanu, pry jakim u vienie ŭtvarajecca zhustak kryvi.
Akramia taho, ciesnaje adzieńnie moža mocna ściskać myšcy i niervy, što ŭ niekatorych vypadkach pryvodzić da surjoznych miedycynskich prablem. U vyniku pasažyr moža adčuć bol, zdranćvieńnie abo pakołvańnie ŭ nahach.
Asabliva ŭraźlivymi źjaŭlajucca ludzi z zachvorvańniami sasudaŭ, lišniaj vahoj, a taksama tyja, chto lotaje na doŭhija dystancyi. I choć u siaredniaha pasažyra vierahodnaść raźvićcia trambozu abo inšych surjoznych uskładnieńniaŭ zastajecca adnosna nizkaj, śpiecyjalisty rajać uličvać svoj ahulny stan zdaroŭja padčas padarožžaŭ.
Kali dla vas važna nasić džynsy, daktary rekamiendujuć vybirać madeli bolš svabodnaha kroju — tyja, što nie ściskajuć nohi i taliju i nie zaminajuć narmalnamu krovazvarotu.
Jak vyratavać nohi ad aciokaŭ u palocie
U jakaści srodku dla praduchileńnia aciokaŭ i prablem z krovazvarotam śpiecyjalisty časta rajać kampresijny trykataž — holfy, pančochi albo kałhotki. U adroźnieńnie ad vuzkich džynsaŭ i zvyčajnych lehinsaŭ, jakija pieraciskajuć sasudy ŭ vypadkovych miescach, miedycynskaja kampresija dziejničaje inakš.
Jana stvaraje hradujavanuju kampresiju: najbolšy cisk u ščykałatcy i pastupova słabiejšy vyšej pa nazie. Heta dapamahaje kryvi i limfie ruchacca da serca i značna źnižaje ryzyku ŭtvareńnia trombaŭ, asabliva ŭ ludziej sa schilnaściu da varykoznaha pašyreńnia vien.
Kampresijnyja vyraby adroźnivajucca ŭzroŭniem cisku i pryznačeńniem — ad lohkaj prafiłaktyčnaj padtrymki da miedycynskaj terapii.
Prafiłaktyčnyja holfy zvyčajna majuć cisk kala 8—15 mm rtutnaha słupka. Heta aptymalny varyjant dla zdarovych ludziej: jany dapamahajuć źmienšyć stomlenaść i praduchilić nievialikija acioki paśla niekalkich hadzin palotu. Takija vyraby možna nabyć u zvyčajnych kramach abo aptekach biez recepta.
Miedycynski kampresijny trykataž stvaraje bolš vysoki cisk — prykładna ad 20 da 30 mm rtutnaha słupka i vyšej. Mienavita jaho śpiecyjalisty rajać pasažyram z varykoznym pašyreńniem vien abo tym, chto ŭvachodzić u hrupu pavyšanaj ryzyki trambozu. Taki ŭzrovień kampresii dapamahaje supraćstajać nastupstvam panižanaha cisku ŭ sałonie samalota i praciahłaha siadzieńnia, palapšajučy adtok kryvi ź nižnich kaniečnaściaŭ.
Akramia adzieńnia, śpiecyjalisty nahadvajuć i pra prostyja sposaby dapamahčy arhanizmu ŭ palocie: pić bolš vady i nie złoŭžyvać salonaj ježaj, pieryjadyčna ruchać stupniami i napružvać łytki, a pry mahčymaści — raz na hadzinu ŭstavać i prachodzić pa sałonie.
Takim čynam, choć zaklik Ryanair mnohim padaŭsia žartam, jon nahadvaje pra važnuju reč: u palocie kamfort — heta nie tolki pytańnie mody, ale i biaśpieki. Svabodnaje adzieńnie z naturalnych tkanin u spałučeńni z kampresijnymi holfami abo pančochami moža dapamahčy pryziamlicca biez bolu ŭ nahach i z dobrym samaadčuvańniem.
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary