I voś pytańnie: heta narmalna, kali biełaruski palityk pieršyja intervju daje nie biełarusam, a niemcam i rasijaninu?
Vybar Dudzia pieršym — pieražytak kałanijalnaha myśleńnia. A hałoŭnaje — našto? Razvažaje Mikoła Buhaj.
Maryja Kaleśnikava dała vialikaje videaintervju rasijskamu błohieru Jurju Dudziu. Pavažaju Dudzia. Nie tolki za jaho razmovy z rasijskimi dziejačami, ale i za jaho biełaruski kantent. Jon zrabiŭ hienijalny film, składzieny ź intervju ź biełarusami, dobryja hutarki ź biełarusami Puciłam, Kamisarankam i Usovičam. Hetaje intervju taksama narmalnaje. U hłybiniu Dudź nie išoŭ, bo jon pracuje ŭ raźliku na «dobrych ruskich», viedy jakich pra Biełaruś nie takija hłybokija. «Mohut zaklučiennyje v Biełarusi zakazať siebie jedu v kamieru? Suši tam, vsie takoje?..»
Dla biełarusaŭ u intervju niama asabliva ničoha novaha, dla rasijan — karysna pasłuchać.
Pierad tym Kaleśnikava dała intervju «Niamieckaj chvali» (ja maju na ŭvazie videahutarki). Niemcam — jašče možna zrazumieć, bo jany jaje prytulili.
Ale jaje pakul nie było ni ŭ «Toku», ni ŭ «ČiestNokie», ni ŭ «Zvyčajnym ranku», ni ŭ «My vierniemsia», «Pieratrom» — a biełaruskich placovak šmat, nie tolki hetyja.
Maša, ty ž naša. «Dobryja ruskija» — jak metavaja aŭdytoryja? Našto? Hulnia na čužych palach palityčna biessensoŭnaja.
Da Dudzia iści treba? Treba, musova, kaniečnie! Ale paśla svaich. Pozna nie budzie.
Dla mianie vybar Dudzia pieršym — pieražytak kałanijalnaha myśleńnia. Ja nie mahu sabie ŭjavić, kab ukrainski, litoŭski, polski ci finski palityk startavyja intervju daŭ nie nacyjanalnym ŚMI, a rasijskim. Niepatryjatyčnaść — heta klajmo i prysud dla luboha palityka. Dla mianie vybar Kaleśnikavaj Dudzia — heta niepatryjatyčna.
«Naša Niva» — bastyjon biełaruščyny
PADTRYMAĆ-
Źmicier Daškievič: U vyhnańni ja vałacuha, ale maju toje, čaho ciapier nie było b dla mianie ŭ Biełarusi — mahčymaść prynosić Hospadu płod
-
Kavieryn: U mianie raście dačka, i ja chacieŭ by, kab jana žyła, chutčej, u tym śviecie, jaki ŭjaŭlajuć sabie idealnym fieministki
-
Paŭlučenka pra viartańnie Pačobuta: «Punkt bifurkacyi, paśla jakoha šmat źmienicca»
Ciapier čytajuć
Biełaruska raspačała čelendž «40 spatkańniaŭ», ale ŭžo na siaredzinie nie chavaje rasčaravańnia ŭ mužčynach53
Kamientary