Čynoŭniki nazvali hulniu charamam i raspuścili šachmatnuju fiederacyju.

Ministerstva zaachvočvańnia dabradziejnaści, jakoje sočyć za vykanańniem relihijnych normaŭ u Afhanistanie pry ŭładzie talibaŭ, zabaraniła hulniu ŭ šachmaty. Pra heta paviedamlaje vydańnie Khaama Press.
Zabaronu šachmat paćvierdziła i Ministerstva sportu krainy. Pavodle słoŭ čynoŭnikaŭ, šachmaty zastanucca pad zabaronaj da taho času, pakul nie buduć znojdzieny naležnyja adkazy na relihijnyja pytańni. Pry hetym Ministerstva zaachvočvańnia dabradziejnaści ŭžo raspuściła Afhanskuju šachmatnuju fiederacyju i nazvała hulniu «charam». Heta značyć, što jana nie adpaviadaje isłamskamu pravu.
Jak piša Khaama Press, niezadoŭha da abviaščeńnia zabarony niekalki spartoŭcaŭ i amataraŭ šachmat źviarnulisia pa finansavuju padtrymku da Ministerstva sportu, ale atrymali admovu. Da prychodu da ŭłady Talibaŭ šachmaty karystalisia ŭ krainie značnaj papularnaściu.
Kamientary
Hojda!