Try biełaruskija dyzajnierki pakazali kalekcyi na prestyžnym pakazie ŭ Bruseli FOTY
U Bruseli adbyŭsia modny pakaz East Bound, u jakim uziali ŭdzieł i biełaruskija dyzajnierki: KANVA, Taša Kacuba i Kaciaryna Nieściarovič. Mienavita jany byli adkaznyja za reprezientacyju biełaruskaj mody na prestyžnaj jeŭrapiejskaj placoŭcy.
Mierapryjemstva East Bound, prymierkavanaje da staršynstva Polščy ŭ Radzie ES, sabrała šmatlikich pradstaŭnikoŭ jeŭrapiejskaha śvietu mody, biznesu i kultury. Razam z polskimi i ŭkrainskimi dyzajnierkami biełaruski pradstaŭlali tam uschodniejeŭrapiejski pohlad na styl.
U miežach šou hledačy pabačyli aksiesuary, stvoranyja Nastaśsiaj Vasiučenka (Kanva), u tym liku firmovyja pavuki i sałamianyja aksiesuary.
Adzin z aksiesuaraŭ — karona — miksavaŭsia z vytančanym adzieńniem u styli vintaž, pašytym Kaciarynaj Nieściarovič (Froufrouandloukoum).
Tvorčaść Kaciaryny siońnia, siarod inšaha — forma pratestu suprać suśvietnych padziej, panavańnie pryhažości nad žachlivaj realnaściu.
Taksama na madelach možna było pabačyć elehantnyja hałaŭnyja ŭbory, stvoranyja jašče adnoj biełaruskaj majstrycaj — Valancinaj Płytkievič (brend ValiumHats).
Na podyumie byli prezientavanyja i pracy-vykazvańni madeljerki z Paleśsia Tašy Kacuby. Dyzajnierka pracuje na styku mody i mastactva. Jaje kalekcyja taksama stała kamientarom na biahučyja padziei va Uschodniaj Jeŭropie.
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom13
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary