Hramadstva88

TASS dvojčy mianiała zahałovak dla kamientara Ejsmant pra pieramovy ŭ Stambule

Rasijskaje dziaržaŭnaje infarmahienctva TASS učora apublikavała kamientar pres-sakratara Łukašenki Natalli Ejsmant ab vynikach pieramovaŭ Rasii i Ukrainy ŭ Stambule. Pry hetym zahałovak na praciahu dnia mianiaŭsia niekalki razoŭ, a sama Ejsmant vymušana była dać poŭny kamientar ź nieabchodnymi akcentami praz ułasnyja kanały, piša Reform.news. 

Natalla Ejsmant stralaje ź pistaleta. Fota: vvmvdrb / Telegram

Spačatku na sajcie TASS 17 maja ŭ 12:22 źjaviłasia natatka z zahałoŭkam «Pres-sakratar Łukašenki: vyniki pieramoŭ u Stambule — pośpiech kiraŭnictva RF».

Možna mierkavać, što pres-słužbu Łukašenki taki akcent nie zadavoliŭ. Poŭny kamientar byŭ raspaŭsiudžany praz telehram-kanał «Puł Pieršaha» ŭ 12:43.

Pry hetym u paviedamleńni «Puła Pieršaha» tłustym vyłučany nastupnyja słovy: «Biełaruś nikoli nie naprošvałasia na rolu pasiarednika — ni raniej, ni ciapier. Heta našaja pryncypovaja pazicyja» i «my arhanizujem praces tak, jak nie arhanizuje ni adna inšaja kraina». Frazy hučać vielmi dziŭna, bo nichto pra heta Ejsmant nie pytaŭsia i nichto nie prapanoŭvaŭ Biełaruś u jakaści pieramoŭnaj placoŭki.

Vidavočna, u TASS apieratyŭna adreahavali na paprok ź biełaruskaha boku i ŭ 12.44 źmianili zahałovak svajoj natatki na «Ejsmant: Minsk hatovy stać pasiarednikam pa ŭrehulavańni na Ukrainie».

Ale i hety tezis u zahałoŭku pratrymaŭsia niadoŭha.

U 12:49 TASS unosić čarhovuju praŭku i mianiaje zahałovak na «Ejsmant nazvała vyniki pieramoŭ u Stambule taktyčnym pośpiecham Rasii».

U 13:54 biełaruskaje dziaržahienctva BiełTA vydaje svoj varyjant zahałoŭka dla paviedamleńnia z kamientarom Ejsmant «Pres-sakratar Prezidenta Biełarusi ab vynikach pieramovaŭ Rasii i Ukrainy ŭ Stambule». Pry hetym u tekście paznačana, što kamientar byŭ dadzieny rasijskamu ahienctvu.

Varta adznačyć, što pres-słužba Łukašenki časta vykarystoŭvaje pryjom «kamientar mižnarodnamu ahienctvu» dla taho, kab danieści svaju pazicyju da mižnarodnych partnioraŭ.

U dadzienym vypadku ciažka nie zaŭvažyć, što dla atačeńnia Łukašenki było važna padkreślić, što jon usio jašče spadziajecca na ŭdzieł u pieramovach, naprykład, u jakaści haspadara pierahavornaj placoŭki.

Kamientary8

  • Aboje Raboje
    18.05.2025
    Kolki razoŭ Cichanoŭskaja mianiała infarmacyju pra svajo vypadkovaje spatkańnie ź Zialenskim?
  • Hańba
    18.05.2025
    Metaj kamientara N.E. (pa zahadzie A.Ł.) było jašče raz liznuć Pucinu.
  • Luc Dreemer
    18.05.2025
    💩

Ciapier čytajuć

Amierykanski žurnalist Šuster raskazaŭ, jak jaho ŭhavorvali zrabić intervju z Łukašenkam. Navat prapanoŭvali hrošy4

Amierykanski žurnalist Šuster raskazaŭ, jak jaho ŭhavorvali zrabić intervju z Łukašenkam. Navat prapanoŭvali hrošy

Usie naviny →
Usie naviny

«Znajšli tolki adzin pačak — vypadkova». Z prodažu źnikła papularnaja dziciačaja hipaalerhiennaja sumieś1

9 žniŭnia ŭ Varšavie źjavicca bieł-čyrvona-biełaje padśviatleńnie8

Paŭnočny karejec abviazaŭsia pienapłastam i moram uciok upłaŭ. Płyŭ 10 hadzin6

Tramp sustreniecca z Pucinym, kali toj pierad tym sustreniecca ź Zialenskim6

U Minsku i vakolicach pabudujuć novyja žyłyja rajony3

Mužčyna tačyŭ nož i zahinuŭ

«Treba razvaročvać aŭtobusy». Pieravozčyki damovilisia zmahacca ź ludźmi, jakija pierasadžvajucca na miažy9

Italija płanuje pabudavać najdaŭžejšy padviesny most u śviecie — u Sicyliju6

Azierbajdžan i Armienija adkryjuć transpartny kalidor pry ŭdziele ZŠA i biez udziełu Rasii6

bolš čytanych navin
bolš łajkanych navin

Amierykanski žurnalist Šuster raskazaŭ, jak jaho ŭhavorvali zrabić intervju z Łukašenkam. Navat prapanoŭvali hrošy4

Amierykanski žurnalist Šuster raskazaŭ, jak jaho ŭhavorvali zrabić intervju z Łukašenkam. Navat prapanoŭvali hrošy

Hałoŭnaje
Usie naviny →

Zaŭvaha:

 

 

 

 

Zakryć Paviedamić