ТАСС двойчы мяняла загаловак для каментара Эйсмант пра перамовы ў Стамбуле
Расійскае дзяржаўнае інфармагенцтва ТАСС учора апублікавала каментар прэс-сакратара Лукашэнкі Наталлі Эйсмант аб выніках перамоваў Расіі і Украіны ў Стамбуле. Пры гэтым загаловак на працягу дня мяняўся некалькі разоў, а сама Эйсмант вымушана была даць поўны каментар з неабходнымі акцэнтамі праз уласныя каналы, піша Reform.news.
Спачатку на сайце ТАСС 17 мая ў 12:22 з'явілася нататка з загалоўкам «Прэс-сакратар Лукашэнкі: вынікі перамоў у Стамбуле — поспех кіраўніцтва РФ».
Можна меркаваць, што прэс-службу Лукашэнкі такі акцэнт не задаволіў. Поўны каментар быў распаўсюджаны праз тэлеграм-канал «Пул Першага» ў 12:43.
Пры гэтым у паведамленні «Пула Першага» тлустым вылучаны наступныя словы: «Беларусь ніколі не напрошвалася на ролю пасярэдніка — ні раней, ні цяпер. Гэта нашая прынцыповая пазіцыя» і «мы арганізуем працэс так, як не арганізуе ні адна іншая краіна». Фразы гучаць вельмі дзіўна, бо ніхто пра гэта Эйсмант не пытаўся і ніхто не прапаноўваў Беларусь у якасці перамоўнай пляцоўкі.
Відавочна, у ТАСС аператыўна адрэагавалі на папрок з беларускага боку і ў 12.44 змянілі загаловак сваёй нататкі на «Эйсмант: Мінск гатовы стаць пасярэднікам па ўрэгуляванні на Украіне».
Але і гэты тэзіс у загалоўку пратрымаўся нядоўга.
У 12:49 ТАСС уносіць чарговую праўку і мяняе загаловак на «Эйсмант назвала вынікі перамоў у Стамбуле тактычным поспехам Расіі».
У 13:54 беларускае дзяржагенцтва БелТА выдае свой варыянт загалоўка для паведамлення з каментаром Эйсмант «Прэс-сакратар Прэзідэнта Беларусі аб выніках перамоваў Расіі і Украіны ў Стамбуле». Пры гэтым у тэксце пазначана, што каментар быў дадзены расійскаму агенцтву.
Варта адзначыць, што прэс-служба Лукашэнкі часта выкарыстоўвае прыём «каментар міжнароднаму агенцтву» для таго, каб данесці сваю пазіцыю да міжнародных партнёраў.
У дадзеным выпадку цяжка не заўважыць, што для атачэння Лукашэнкі было важна падкрэсліць, што ён усё яшчэ спадзяецца на ўдзел у перамовах, напрыклад, у якасці гаспадара перагаворнай пляцоўкі.
-
Дзядок — апазіцыянерам: Займаючыся дыскрэдытацыяй Офіса Ціханоўскай, вы льяце ваду на млын рэжыму
-
«Марзалюк — гэта наш зубр». Як праўладны гісторык нечакана стаў трэндам для зумераў у тыктоку
-
«Шатл-бас спачатку спыніўся, а потым пачаў павольна каціцца назад». Беларус, які стаў відавочцам аварыі ў Тайландзе, расказаў падрабязнасці
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»7
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары