U Minsku pradali paŭpakoja ŭ trochpakajoŭcy i amal 11 «kvadrataŭ» u kamunałcy. Što za ździełki?
Na staličnych aŭkcyjonach usio čaściej źjaŭlajucca niezvyčajnyja łoty — nie cełyja kvatery, a doli ŭ ich. Niahledziačy na jurydyčnyja składanaści, popyt na takija mietry raście, a košty padčas tarhoŭ istotna pavialičvajucca, piša Onliner.
Viasnoj 2025-ha, naprykład, z aŭkcyjonu vykupili 1/4 kvatery pa vulicy Vaniejeva, 10 (Partyzanski rajon).
Tarhi za mietry ŭ trochpakajoŭcy ahulnaj płoščaj 61,1 «kvadrata» ŭ domie, pabudavanym u 1966 hodzie, byli nie pieršymi. Startavaja cana, užo źnižanaja za čas papiarednich sprob prodažu na 40%, raŭniałasia 16 020 rublam ($5440 u ekvivalencie). Krok tarhoŭ składaŭ 5%, abo 801 rubiel.
Pieramožca vykupiŭ łot za 22 428 rubloŭ ($7616 pa kursie).
Naminalna novy ŭłaśnik nabyŭ 1/4 kvatery, heta značyć krychu bolš za 15 «kvadrataŭ». Astatnija mietry ŭ kvatery naležać dziaržavie (63/100 doli), a taksama inšamu ŭłaśniku (12/100 dolaŭ).
Adnak žyłaja płošča trochpakajoŭki pa techpašparcie paznačana tak: pakoj na 11,5 «kvadrata» i dva pakoi pa 17,2 «kvadrata». Jak u hetych pakojach znajści svaje 15 kvadratnych mietraŭ?
Prablema ŭ tym, što jany «razbrasanyja» pa ŭsioj płoščy trochpakajoŭki: nie tolki žyłoj, ale i ahulnaj. Inšymi słovami, nabyvajučy čverć u trochpakajoŭcy, pakupnik atrymaŭ, umoŭna kažučy, paŭpakoja i patroški «kvadrataŭ» ad inšych pamiaškańniaŭ: kuchni, kalidora, sanvuzła.
Čamu tak? U hetaj trochpakajoŭki jość vialiki minus: u kvatery doli nie adasoblenyja jak pakoi. Heta značyć, što ŭ kožnaha ŭładalnika jość dola ŭ ahulnaj ułasnaści. Vyznačać, jakaja kankretna častka nieruchomaści kamu naležyć, pavinny sami haspadary.
Darečy, pakupnik unios arhanizataru aŭkcyjonu jašče i 9% ad vynikovaj sumy łota jak uznaharodu za praviadzieńnie tarhoŭ, heta značyć jašče 2018 rubloŭ ($685 u ekvivalencie). U vyniku 15 «kvadrataŭ» z chvościkam, vyznačyć terytaryjalnaje znachodžańnie jakich u trochpakajoŭcy składana, abyšlisia novamu ŭładalniku ŭ $8301.
U kastryčniku hetaha hoda znajšoŭsia pakupnik i na 7/50 dolaŭ u šaścipakajovaj kamunałcy Minska pa vulicy Puchavickaja, 5 (Kastryčnicki rajon). Ahulny mietraž kłasičnaj kamunalnaj kvatery — 103 «kvadraty».
Z aŭkcyjonu syšła jaje častka — pakoj u 10,84 kvadratnych mietra, jaki naležaŭ ułaśniku, što nie płaciŭ za ŽKP.
Pieramožca zapłaciŭ za pakoj 34812 rubloŭ (amal $12 tysiač u ekvivalencie), a taksama 9% ad hetaj sumy (1300 rubloŭ, abo $1075 pa kursie) arhanizataram aŭkcyjonu.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna1818
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna18
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary