SBU zatrymała ŭ Kijevie ahienta, jaki pracavaŭ na śpiecsłužby Biełarusi
Słužba biaśpieki Ukrainy zatrymała ŭ Kijevie ahienta, jaki adnačasova pracavaŭ na rasijskija i biełaruskija śpiecsłužby. Pa zadańni Pamiežnaha kamiteta Biełarusi mužčyna špijoniŭ za pazicyjami ŭkrainskich vajskoŭcaŭ, a dla rasijskich kurataraŭ karektavaŭ udary pa enierhietyčnych abjektach staličnaha rehijona, paviedamlaje SBU.
Zatrymany — miascovy roznarabočy, jakoha zavierbavali praz telehram-kanały za jaho prakramloŭskija kamientary.
Mužčyna vioŭ nazirańnie za adnoj z kijeŭskich TEC prosta z akna ŭłasnaj kvatery, a taksama vyjazdžaŭ da abjektaŭ, kab acanić ich techničny stan paśla minułych abstrełaŭ. Hetuju infarmacyju rasijanie płanavali vykarystać dla novych atak, kab pakinuć žyłyja damy i sacyjalnuju infrastrukturu Kijeva biez aciapleńnia, paviedamlaje SBU.
Pavodle paviedamleńnia, mužčyna spadziavaŭsia, što paśla vykanańnia zadańniaŭ jaho evakuirujuć za miežy krainy. Adnak supracoŭniki SBU zatrymali jaho.
Zaraz mužčyna znachodzicca pad vartaj, jamu paviedamlena pra padazreńnie ŭ dziaržaŭnaj zdradzie. Za dapamohu vorahu va ŭmovach vajennaha stanu zatrymanamu pahražaje pažyćciovaje źniavoleńnie z kanfiskacyjaj majomaści.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary