Uładzimir Pucin padpisaŭ zakon, zhodna ź jakim u Rasii bolš nie padlahajuć vykanańniu pastanovy zamiežnych sudoŭ, nadzielenych paŭnamoctvami ŭ śfiery kryminalnaha sudavodstva biez udziełu Rasii, paviedamlaje Rasijskaja słužba Radyjo Svaboda.
Akramia taho, pavodle dakumienta, nie buduć vykonvacca pastanovy mižnarodnych sudovych orhanaŭ, kampietencyja jakich nie hruntujecca na mižnarodnaj damovie abo rezalucyjach Rady biaśpieki AAN.
Kiraŭnik praŭleńnia Asacyjacyi jurystaŭ Rasii Uładzimir Hruździeŭ raniej udakładniaŭ, što hety zakon budzie prymianiacca, u pryvatnaści, da prysudaŭ Mižnarodnaha kryminalnaha suda (MKS). Akramia rašeńniaŭ MKS, pa słovach jurystaŭ, pad abmiežavańni moža trapić i mahčymy trybunał pa Ukrainie.
U sakaviku 2023 hoda MKS vydaŭ ordar na aryšt Pucina i ŭpaŭnavažanaj pa pravach dziciaci Maryi Lvovaj-Białovaj. Im inkryminujuć adkaznaść za vyvaz ukrainskich dziaciej na terytoryi, nie padkantrolnyja Kijevu. Rasija kateharyčna admaŭlaje abvinavačańni ŭ departacyi dziaciej.
12 śniežnia rasijski sud zavočna prysudziŭ prakurora i vosiem sudździaŭ MKS da terminaŭ ad troch z pałovaj da 15 hadoŭ pazbaŭleńnia voli pa abvinavačańni ŭ pryciahnieńni zaviedama nievinavatych da kryminalnaj adkaznaści abo niezakonnym uzbudžeńni kryminalnaj spravy, niezakonnym utrymańni pad vartaj, a taksama ŭ padrychtoŭcy napadu na asob, jakija karystajucca mižnarodnaj abaronaj.
Ciapier čytajuć
Aryštavali byłoha pamočnika Michaiła Miaśnikoviča10
Aryštavali byłoha pamočnika Michaiła Miaśnikoviča
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary
Jeśli hruppa stran sozdała kakoj to sud v obchod OON (kak MUS), to takoj sud imiejet jurisdikciju tolko v etich stranach, i potomu, kak pravilno zamietił druhoj kommientator, i SŠA nie priznajut riešienij takich sudov.
Boleje toho, i ES, sobirajaś niezakonno konfiskovať ross. aktivy, objavił, čto nie budiet ispołniať riešienij inostrannych sudov po iskam, śviazannym s konfiskacijej ross. aktivov.