Stała viadoma, jakaja navahodniaja cacka stała sioletnim lidaram prodažaŭ u Biełarusi
Jakaja cacka nabyła asablivuju papularnaść u Biełarusi ŭ 2025 hodzie, raskazaŭ dyrektar adzinaj u krainie fabryki jalinkavych cacak «Hraj» Andrej Biahun, piša «Kamsamolskaja praŭda».
Jak vyśvietliłasia, sapraŭdnym chitom staŭ pieršy vynik supolnaha prajekta z rasijskim «Sajuzmultfilmam». Pavodle słoŭ Biehuna, trapić u taki prajekt było niaprosta praz vysokuju kankurencyju. Pakul u prodažy źjaviłasia tolki adna madel — televizar z zajcam z multfilma «Nu, pačakaj!», ale mienavita jana imhnienna stała samaj zapatrabavanaj cackaj siezona. Jašče niekalki varyjantaŭ ciapier znachodziacca na ŭzhadnieńni.
Na telekanale STV dadali, što fabryka vypuskaje kala sta takich cacak na dzień, adnak i hetaha niedastatkova, kab zadavolić popyt. Užo pradadziena niekalki tysiač asobnikaŭ, i, jak adznačyŭ kiraŭnik pradpryjemstva, kali b da ažyjatažu padrychtavalisia zahadzia, to kolkaść prodažaŭ mahła b dasiahać dziasiatkaŭ tysiač — nie tolki ŭ Biełarusi, ale i ŭ Rasii.
Žurnalisty taksama zaŭvažyli, što na markietpłejsach košt papularnaha zajčyka dachodzić amal da 90 rubloŭ.
Akramia taho, Andrej Biahun adznačyŭ, što asartymient fabryki «Hraj» štohod abnaŭlajecca prykładna na tracinu. Siudy ŭvachodziać jak novyja prajekty, tak i cacki ź simvałami hoda. Pavodle jahonych słoŭ, pradpryjemstva zaŭsiody pracuje na apiaredžańnie: pakul usie rychtujucca sustrakać Hod Vohniennaha Kania, na fabrycy ŭžo zaviaršajuć pracu nad jaho vobrazami, a sa studzienia pačnuć užo raspracoŭku simvała 2027 hoda — kaźlaniat.
Chłopiec kupiŭ za svoj košt navahodniuju jalinku i pastaviŭ jaje ŭ centry pasiołka
25+ idej padarunkaŭ na Kalady i Novy hod ad biełaruskich majstroŭ i brendaŭ
Tabun navahodnich koniej: što možna kupić na Kamaroŭcy ŭ śniežni
Aleń na turbinie i Dzied Maroz u kupe ciahnika. Dzie ŭ Minsku samyja niezvyčajnyja navahodnija łakacyi ŠMAT FOTAŬ
Kamientary