Łukašenka paskardziŭsia Pucinu, što ŭsiu biełaruskuju bulbu pradali ŭ Rasiju
Uładzimir Pucin druhi dzień zapar zhadvaje ab prablemach z bulbaj u Biełarusi i Rasii.
Alaksandr Łukašenka paskardziŭsia Uładzimiru Pucinu, što ŭsiu biełaruskuju bulbu pradali ŭ Rasiju.
Rasijski prezident uzhadvaje pra prablemy z bulbaj druhi dzień zapar. Na sustrečy z pradstaŭnikami arhanizacyi «Rasija — kraina mahčymaściej» jon pierakazaŭ častku ŭčorašniaj telefonnaj razmovy z Łukašenkam.
«Učora sustrakaŭsia z pradstaŭnikami biznesu, u tym liku ahrasiektara. Vyjaviłasia, što bulby nie chapaje. Razmaŭlaŭ z Alaksandram Ryhoravičam Łukašenkam, jon kaža, što ŭ nas užo ŭsio pradali ŭ Rasiju», — raspavioŭ Pucin.
Jon taksama adznačyŭ, što ź dziacinstva nie lubić sadzić bulbu: na jaho dumku, robatatechnika značna cikaviejšaja za hety zaniatak.
Napiaredadni Pucin ździŭlaŭsia, kali daviedaŭsia, što ŭ Biełarusi skončyłasia bulba. Na heta daviałosia reahavać Natalli Ejsmant: u kanale «Puł pieršaha» napisali, što novuju bulbu ŭ Biełarusi ŭžo pasadzili.
Ciapier čytajuć
Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2
Kamientary