Na praciahu leta ŭ Biełarusi płanujuć masavy manitorynh miescaŭ kupańnia. Havorka idzie jak pra dazvolenyja plažy, tak i pra stychijnyja, raskazaŭ pres-sakratar MNS Biełarusi Jaŭhien Baranoŭski ŭ Nacyjanalnym pres-centry.
Pradstaŭnik MNS patłumačyŭ, što ŭ tym liku buduć vykarystoŭvać dla manitorynhu plažaŭ bieśpiłotnyja latalnyja aparaty — hetaja praktyka pakazała siabie jak vielmi efiektyŭnaja.
Buduć vykarystoŭvać i avijacyju MNS, u pieršuju čarhu jaje zadziejničajuć dla manitorynhu pažaraniebiaśpiečnaha stanovišča. Ale na leta karektujuć maršrut, kab zachoplivać stychijnyja miescy adpačynku, dzie ludzi mohuć znachodzicca ŭ niebiaśpiečnych umovach. Infarmacyja pra heta budzie pastupać u rajonnyja padraździaleńni pa nadzvyčajnych situacyjach i pradstaŭnictvy Tavarystva ratavańnia na vodach.
Jaŭhien Baranoŭski taksama padkreśliŭ, što na terytoryi Biełarusi stvorana 495 dazvolenych miescaŭ dla kupańnia, jakija atrymali pašpart abjekta i adpaviadajuć patrabavańniam zakanadaŭstva. Na ich jość ratavalniki. Kab ludziam, jakija adpačyvajuć, było praściej znachodzić takija miescy ŭ svaim horadzie ci rehijonie, MNS raspracavała interaktyŭnuju kartu plažaŭ.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim18
Kamientary