Kolki kaštuje pucioŭka ŭ biełaruski sanatoryj — suma niemałaja
Profilnyja słužby acanili košt adpačynku ŭ sanatoryjach krainy. Zamiery pravodzili pa standartnym adnapakajovym numary dla dvuch klijentaŭ, piša Tochka.by.
Pry ŭkazanych umovach siaredni košt skłaŭ 127 rubloŭ za sutki. Minimalnaja rekamiendavanaja praciahłaść azdaraŭleńnia składaje 12 dzion. Značyć, za ŭsiu pucioŭku treba addać ad 1524 rubli. Suma pryviedzienaja biez uliku rostu popytu na letni pieryjad.
Atrymać źnižku možna pry rańnim braniravańni. Tady košt źnižajecca na 5—15%. A pry kupli haračaj pucioŭki pacyjent moža skarystacca dadatkovymi biaspłatnymi pracedurami.
«Niekatoryja ŭłaśniki viedamstvaŭ dla svaich rabotnikaŭ i ich dziaciej mohuć dapłačvać ad 15% da 90% ad koštu pucioŭki. Značnyja źnižki pradastaŭlajuć u sanatoryjach ad Fiederacyi prafsajuzaŭ — kožnamu členu naležyć źnižka ŭ pamiery 25%», — padzialiŭsia namieśnik dyrektara Respublikanskaha centra pa azdaraŭleńni i sanatorna-kurortnym lačeńni nasielnictva Alaksandr Caj.
Čas braniravać sanatoryi na zimu
Aktyŭnaje braniravańnie na adpačynak u zdraŭnicach letam pačałosia jašče ŭ śniežni 2024-ha. I ŭžo ŭ krasaviku ŭzrovień zaniatych miescaŭ dasiahnuŭ 88—89%. Na dadzieny momant 95% puciovak raskuplena.
«Viadoma, lepš zahadzia płanavać adpačynak. My nazirajem, što paśla kavidnych hadoŭ hłybinia prodažaŭ tolki pavialičyłasia. U siarednim, kab mieć vybar pa datach i numary, braniravać lepš za try i bolš miesiacaŭ», — adznačyŭ Alaksandr Caj.
Na hety momant sanatoryi ŭžo viaduć zapis na azdaraŭleńnie ŭsich achvotnych až da zimy.
-
Kolki času zajmaje vydača pašparta novaj Biełarusi? Były kalinoviec raskazaŭ, jak atrymlivaŭ dakumient
-
U Mahilovie pradajuć 10 ton bulby ŭsiaho pa 60 kapiejek za kiło. Što ź joj nie tak?
-
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič
Kamientary