Siaredniaja suma anłajn-kredytu — 556 rubloŭ.
U Biełarusi nabirajuć papularnaść mikrapazyki. Jany vydajucca vyklučna ŭ biełaruskich rublach, paviedamlaje Nacbank.
Kali ŭ 2023 hodzie było zaklučana tolki 2685 damovaŭ ahulnym abjomam na 500 tysiač rubloŭ, to ŭžo ŭ 2025 hodzie ich kolkaść vyrasła da 107 800, a ahulnaja suma pazyk — da 60 młn rubloŭ.
Čaściej za ŭsio anłajn-kredyt afarmlali na adzin miesiac, siaredniaja suma — 556 rubloŭ. Maksimum u doŭh brali 3000 rubloŭ, ale byli i vypadki, kali patrebna była tolki 50 rubloŭ.
Adznačajecca, što pazyčalnikami i kredytorami vystupali tolki fizičnyja asoby-rezidenty. Pry hetym kredytoraŭ značna mienš — 902 za 2025 hod, tady jak pazyčalnikaŭ było amal 15 tysiač.
Atrymać anłajn-kredyt možna tolki ŭ piaci aficyjna zarehistravanych arhanizacyjach. Adna ź ich maje servis biźnies-anłajn-pazyk.
Nahadajem, što davać hrošy ŭ doŭh buduć i mabilnyja apieratary
Z 23 krasavika apieratary sotavaj suviazi ŭ Biełarusi atrymajuć mahčymaść vydavać hramadzianam spažyvieckija mikrapazyki biez zakładu ŭ bieznajaŭnaj formie.
Maksimalnaja suma pazyki składaje 200 bazavych vieličyń, heta na siońnia 9000 rubloŭ, u raźliku na adnaho atrymalnika na dzień zaklučeńnia damovy.
Pry hetym maładym ludziam va ŭzroście ad 14 da 18 hadoŭ dla atrymańnia spažyvieckaj mikrapazyki patrebna piśmovaja zhoda adnaho z zakonnych pradstaŭnikoŭ.
Ciapier čytajuć
Kaledž chacieŭ zasudzić studenta i spahnać ź jaho 13 tysiač rubloŭ — ale junak daŭ adpor sistemie1
Kamientary