Bieraściejka Ksienija Aksiucik udzielničaje ŭ rasijskim «Hołasie» i blizka padabrałasia da pieramohi. Dniami jana praśpiavała na scenie prajekta pieśniu «O niom» Iryny Dubcovaj — i trapiła ŭ paŭfinał.
Ksienii 26 hadoŭ, jana naradziłasia i vyrasła ŭ Breście. Dziaŭčyna raskazvaje ŭ sacsietkach, što vystupaje na scenie ŭžo bolš za 10 hadoŭ. U 2022‑m jana pierajechała z Bresta ŭ Minsk i ciapier buduje svaju karjeru ŭ stalicy, u tym ža hodzie Ksienija vyjšła zamuž.
Dziaŭčyna — byłaja vakalistka hurta Muzzart Band, a taksama salistka simfaničnaha arkiestra Classic Energy — vyhladaje, taksama ŭžo byłaja. Toj arkiestr niekali byŭ zdolny sabrać tysiačy słuchačoŭ u «Minsk-Arenie», ale ž bolš za hod jaho instahram nie abnaŭlajecca, a sajt prajekta ŭvohule bolš nie isnuje.
Ksienija fanacieje ad «Hołasa» jašče z 12‑13 hadoŭ, kali śpiavała na amatarskim uzroŭni ŭ hurtkach, i voś ciapier vyrašyła paŭdzielničać u šou. Na ślapyja prasłuchoŭvańni jana pryjšła ź pieśniaj Highway to Hell ad rok-hurta AC/DC, atrymała «tak» ad čatyroch nastaŭnikaŭ i pajšła ŭ kamandu da Uładzimira Praśniakova.
Dalej dziaŭčyna śpiavała Dancing Queen ad ABBA i saviecki šlahier «Źvianić studzieńskaja zavirucha». U čverćfinale Ksienija vystupiła ź pieśniaj «O niom» ad rasijskaj śpiavački Iryny Dubcovaj i prajšła ŭ paŭfinał, dzie vystupić praź niekalki dzion.
Aksiucik — nie adzinaja biełaruska, jakaja ŭdzielničaje ŭ hetym siezonie «Hołasa». U čverćfinale z prajekta vylecieła 18‑hadovaja mahilaŭčanka Złata Barzdova. Jašče mienš u «Hołasie» pratrymaŭsia Jaŭhien Viarenič. Viarenič, jakomu ciapier 32 hady, naradziŭsia ŭ Łunincy, atrymaŭ adukacyju nastaŭnika muzyki i śpiavaŭ u vialikim simfaničnym arkiestry, ale ciapier pracuje ŭ Maskvie na miasakambinacie.
«Naša Niva» — bastyjon biełaruščyny
PADTRYMAĆ
Kamientary