Cana rasijskaj nafty padskočyła amal na 15% za niekalki dzion paśla ŭdaraŭ Izraila pa Iranie
Vajna Izraila ź Iranam stanovicca «vyratavalnym kruham» dla rasijskaha biudžetu, jaki ŭ hetym hodzie sutyknuŭsia z abvalnym padzieńniem naftahazavych dachodaŭ.
Rublovaja cana rasijskaj nafty Urals, ad jakoj zaležyć kožny čaćviorty rubiel u kaźnie, za niekalki dzion kanfliktu padskočyła amal na 15%, pišuć analityki.
Pa stanie na 13 červienia Urals kaštavała 5000 rasijskich rubloŭ (63,3 dalara) za baral, chacia jašče 10 červienia jaje pradavali tańniej za 4400 rubloŭ ($55,7)— minimalnaj canie za apošnija dva hady, piša Moscow Times.
Pakul, adnak, košt Urals pa-raniejšamu nie daciahvaje ni da ŭzroŭniu, na jaki spačatku raźličvała ŭrada (6700 rubloŭ za bočku — $84,8), ni da pierahledžanaha prahnozu Minekanomraźvićcia, na padstavie jakoha biudžet pieraličyli ŭ mai (5300 rubloŭ za baral, 67 dalaraŭ).
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj15
Kamientary