Amierykanskuju nastaŭnicu abvinavačvajuć u 50 seksualnych kantaktach z vučniem. Ź ich 45 — niepasredna ŭ škole
Za seksualnyja adnosiny z 14-hadovym padletkam 30-hadovaj nastaŭnicy adnoj z škoł pryharada Čykaha pahražaje 60 hadoŭ źniavoleńnia.
U centry hučnaha skandału apynułasia 30-hadovaja nastaŭnica śpiecyjalnaj adukacyi ŭ siaredniaj škole ŭ pryharadzie Čykaha Chryścina Farmeła (Christina Formella).
Jak piša The New York Post, letam minułaha hoda Chryścina vyšła zamuž i zdavałasia, što jaje žyćcio poŭnaje ščaścia: siamja, karjera nastaŭnicy, trenierskaja praca z padletkami pa futbole. Ale za ŭsim hetym chavałasia zmročnaja tajamnica.
Pavodle śledstva, nieŭzabavie paśla pačatku navučalnaha hoda ŭ vieraśni 2023-ha, Chryścina pačała spakušać adnaho z udzielnikaŭ školnaj spartyŭnaj kamandy pa futbole, jakuju jana treniravała. Na toj čas chłopčyku było 14 hadoŭ.
Śćviardžajecca, što za pieryjad adnosin jana ŭstupała z padletkam u seksualnyja kantakty kala 50 razoŭ, u tym liku 45 razoŭ u škole, dzie jana pracavała, i piać razoŭ u siabie doma. Usie hetyja padziei praciahvalisia da vieraśnia 2024 hoda, pakul chłopiec sam nie spyniŭ adnosiny, zajaviŭšy, što jany niapravilnyja.
Chryścina, jak śćviardžajecca, nie tolki pierastupała maralnyja i zakonnyja miežy, ale i manipulavała padletkam. Jana pisała jamu paviedamleńni, navat znachodziačysia ŭ Italii na adpačynku z mužam Majkłam. Jaje pavodziny byli nastolki dziorzkimi, što adnojčy inšy nastaŭnik ledź nie zaśpieŭ jaje z chłopcam u kłasie. Pavodle prakuroraŭ, muž nie viedaŭ pra zdradu žonki.
17 červienia Chryścina pradstała pierad sudom. Jana abvinavačvajecca pa 55 punktach, siarod jakich ciažki seksualny hvałt, nieprystojnyja damahańni da niapaŭnaletniaha i raspusnyja dziejańni. Kali jaje asudziać, jana moža pravieści za kratami da 60 hadoŭ.
Jak paviedamlajecca, spačatku ŭłady ličyli, što mierkavanaje złačynstva było bolš abmiežavanym, ale potym źjaviłasia dadatkovaja infarmacyja. Byli znojdzieny «sotni, kali nie tysiačy tekstavych paviedamleńniaŭ», jakija paćvierdzili apovied padletka, raskryŭšy žachlivyja detali.
Sudździa dazvoliła žančynie zastacca na voli z dadatkovymi abmiežavańniami, uklučajučy prahramnaje zabieśpiačeńnie dla kantrolu jaje hadžetaŭ i elektronny branzalet, kab nie dapuścić nabližeńnia da školnika.
Kamientary
— Zavidovať!