Pucin zajaviŭ, što hatovy sustrecca ź Zialenskim, ale padpisvać ź im ničoha nie budzie
«Nam usio roŭna, chto viadzie pieramovy, ja navat hatovy sustrakacca», — skazaŭ prezident Rasii.
Uładzimir Pucin zajaviŭ pra hatoŭnaść da pieramovaŭ z Uładzimiram Zialenskim, adnak admaŭlajecca pryznavać dziejnaha prezidenta Ukrainy lehitymnym dla padpisańnia lubych damoŭlenaściaŭ. Pra heta prezident Rasii zajaviŭ padčas sustrečy z pradstaŭnikami suśvietnych infarmacyjnych ahienctvaŭ, piša RIA «Naviny».
Padčas vystupu Pucin zajaviŭ, što Rasija nibyta nie adkidaje mahčymaści mirnych pieramovaŭ i jon asabista «hatovy sustrakacca z usimi», u tym liku i z prezidentam Ukrainy Uładzimiram Zialenskim.
Adnak, kramloŭski lidar zajaviŭ, što Zialenski, na jaho dumku, nie maje zakonnych paŭnamoctvaŭ dla padpisańnia lubych mižnarodnych dakumientaŭ.
«Nam usio roŭna, chto viadzie pieramovy, ja navat hatovy sustrakacca. Ale kali budzie zaviaršalny etap… podpis pavinien stajać lehitymnaj ułady», — zajaviŭ Pucin, namiakajučy na toje, što ličyć dziejnaha prezidenta Ukrainy nieprydatnym dla zaklučeńnia mižnarodnych damoŭlenaściaŭ.
Tłumačačy svaju pazicyju, Pucin znoŭ spasłaŭsia na nibyta pałažeńni Kanstytucyi Ukrainy, dzie nibyta napisana, što paŭnamoctvy prezidenta Zialenskaha ŭžo skončylisia.
Pucin zajaviŭ, što Ukraina nibyta źjaŭlajecca «prezidencka-parłamienckaj respublikaj», u jakoj «usie orhany ŭłady farmujucca prezidentam», što, na jaho dumku, aŭtamatyčna stavić pad sumnieŭ lehitymnaść usioj ukrainskaj ułady.
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary
Začiem vstriečaťsia priezidientam, jeśli oni nie budut ničieho podpisyvať?
Pusť vstriečajetsia s Isinbajevoj ili Lvovoj-Biełovoj, jeśli jemu tak chočietsia s kiem-to vstrietiťsia.