Siejm Łatvii pryniaŭ zakon ab zabaronie hramadzianam Rasii i Biełarusi kuplać u krainie nieruchomaść
Siejm Łatvii ŭ trecim čytańni pryniaŭ zakon, jaki zabaraniaje hramadzianam Rasii i Biełarusi, a taksama źviazanym ź imi jurydyčnym asobam nabyvać nieruchomaść u krainie. Hety zakon, jak zajaŭlena, pryniaty ŭ ramkach abarony nacyjanalnaj biaśpieki.
Inicyjatyva pachodziła ad Ministerstva justycyi i Ministerstva zamiežnych spraŭ Łatvii. Jaje meta — praduchilić varožyja i škodnyja dziejańni z boku Rasii i Biełarusi, a taksama nie dapuścić imi abychodu mižnarodnych sankcyj.
Zabarona nie budzie dziejničać dla tych hramadzian Rasii i Biełarusi, jakija majuć status pastajannaha žychara Jeŭrasajuza abo dazvoł na pastajannaje pražyvańnie ŭ Łatvii.
Pradstaŭnica Ministerstva justycyi Łauma Paehkałna padkreśliła, što ŭ ciapierašnich umovach hibrydnaj vajny važna dziejničać na apiaredžańnie, kab nie dapuścić umiašańnia Rasii i Biełarusi va ŭnutranyja spravy krainy i harantavać biaśpieku i stabilnaść demakratyčnaj dziaržavy.
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina7
Kamientary