U Pružanach mužčynu zatrymali za halucynahiennyja hryby, naźbiranyja ŭ lesie
Jak paviedamili va UUS Bresckaha abłvykankama, 35‑hadovaha mužčynu zatrymali supracoŭniki narkakantrolu Biarozaŭskaha RAUS padčas apieratyŭna-vyšukovych mierapryjemstvaŭ. Jaho padazrajuć u zachoŭvańni zabaronienych rečyvaŭ.
Śledstva ŭstanaviła, što mužčyna ŭ śpiecyjalizavanych čatach pračytaŭ pra halucynahiennyja hryby i daviedaŭsia, jak jany vyhladajuć. Z nabytymi viedami jon nakiravaŭsia ŭ les, dzie znajšoŭ hryby, što adpaviadali apisańniu. Paśla hetaha jon vysušyŭ ich i zachoŭvaŭ doma ŭ šklanym słoiku.
Padčas ahladu žylla siłaviki znajšli i kanfiskavali bolš za 16 hramaŭ asabliva niebiaśpiečnych psichatropnych rečyvaŭ raślinnaha pachodžańnia — psiłacynu i psiłacybinu, jakija ŭtrymlivajucca ŭ hrybach.
Zatrymany patłumačyŭ, što źbiraŭsia vykarystoŭvać ich dla asabistych patreb.
U dačynieńni da mužčyny raspačali kryminalnuju spravu. Pavodle zakanadaŭstva, jamu moža pahražać pakarańnie ŭ vyhladzie pazbaŭleńnia voli na termin da piaci hadoŭ.
U milicyi nahadali, što ŭ Biełarusi nie isnuje lehalnych narkotykaŭ: usie takija rečyvy zabaronienyja, a lubyja dziejańni ź imi ciahnuć za saboj kryminalnuju adkaznaść.
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach24
Kamientary
Tolki paźniej dapietryła, što jany zakładčykaŭ šukali. Tak što hladzicie, ciapier u lesie ŭ kuściki prysiadzicie - a z-za śpiny vylezie mient.
Nu sobrał ty hriby,prinios domoj,vysušił - tak zanykaj žie ich hramotno i padaj siebie na moroz pri lubych obyskach.